أخبار_عالريق

#أخبار_عالريق 1122 يوم
✅️يكتبها / #سعيد_الطويل

بدكم الصحيح الأخبار إللي فش فيها كلام عن القبضات والمصاري والقصص هذه إللي بتفتح النفس فش منها رجا ..
عالفاضي بتبلش الريق أصلاً

الجو العام في شوية كئآبة وفلس بزيادة حبة ،وامتحانات وأصوات زعاق طالع ليل نهار ،،لأنه كل أم نفسها ابنها يطلع أحسن من ابن سلفتها ..

الأعراس موجودة عالضيق والبحر لسة الناس منطلقوش عليه زي الخلق ..الأمور مرتبطة بتوجيهي ..وإللي عنده توجيهي ما تلومووه ..الله يكون بعونه ..بتلاقي كل دارهم استنفار ..

عموماً فش تصريحات سياسية جديدة ولا كلام عن المنحة القطرية والجو اليوم شوب وديروا بالكم من الأعمال والسحر والشعوذة خاصة بموسم التوجيهي والصراحة فش ولا خبر عليه العين اليوم إلا انه كيلو البندورة والبطيخ والشمام بشيكل واحد بس وهذا خبر بيخليك تحس حالك غني لما تشتري بعشرة شيكل ال٣ شغلات مع بعض ..

بدنا نصبح خص نص ع كل أم أولادها منشفين ريقها ومغلبينها بالدراسة وبتصحالهم من الفجر وبتنام آخر حد وهي بتحضرلهم وبس يطلعوا بتكمل وقتها دعاء وفطور وشطف وكنس وغسيل وبس نروح بيسخنوا أكل مبارح إللي زايد أو بيمشوها بشوية مقالي عالسريع..

#يسعد_صباحكم
السبت 27-5-2023

عوااافي

الله المستعان
مشكور

يعطيك العافية

يعطيك العافية ع المتابعة
كل الشكر.

مشكور ع المتابعة و النقل
تحياتي

ييسسلموو الاميرر