أخبار_عالريق

#أخبار_عالريق 955 يوم
✅يكتبها / #سعيد_الطويل

■آخر ساعات الصيف بنودعها وكلنا أمل نلاقيه ع خير السنة الجاية..بيعز علينا فراقه بس هذه سنة الحياة..بدنا نسلم جماعة الشتا الحكم وأمرنا لله

■بدكم الصحيح من هذه الليلة طفينا المراوح كانه الجو حاسس رسمي انه الصيف بيودع

■عموما الجو الفترة الجاية حيكون مليان مرض ورشح وفلونزا وزكام ومناخير وارمة وكلينكس ومرمية ودوشة ..ديروا بالكم ع حالكم وبس

■موضوع أواعي الصيف والشتا لسة بدري عليه شوية بس عالأقل تغطوا منيح عشان ما تنتفخوش زي #أبو_فؤاد

■المهم من مبارح العمادي طال عمره بلش سلخ رسايل لل100 دولار ،إللي بتنحسب 310 شيكل عنا ..عادي

■التشريعي عمل جلسته مبارح بميناء غزة الدولي جنب كشك المهندس الخريج بالضبط

■مباحث التموين سكرت مخبز بخانيونس ،عشان أموره مش تمام

■اصابتين وصلوا للمستشفى مبارح بانفجار داخلي بخانيونس ،وضعهم الحمد لله بخير

■شوية عواطلية يــ ـهود محتجين عند دار غانتس عشان زيادة حصة العمال الفلسطينية

■فش جديد بموضوع تعويضات حرب 2014 ،بيقلك الممول مش عامل حسابه

■بنت صغيرة من دير البلح بلعت قلم رصاص وهي بتدرس والأمور سلكت ويخلف عالدكاترة طلعوه

■الأسبوع الجاي حيكون حافل بالاقتحامات بالأقصى وما بظن يصير حاجة

■الأمور بنابلس راقت عالآخر الحمد لله واتفقوا الأمور كلها تنحل بهدوء

■عائلة قرموط ودردونة اتصالحوا بشمال غزة وربنا يهدوا البال ويخلف ع أهل الخير

■ع فكرة في ناس مجتمعين بالجزائر بيقولوا عشان المصالحة وهيكا ..ما تصدقوهم

■في مشكلة وشكاوي بتوصلنا من شوية مدارس فش عندهم مدرس عربي ولا حساب أو علوم وبينزلوهم حصة رياضة يمشوا حالهم هذا الموضوع من اول السنة ع فكرة ،وفي معلمة بتعتت انه فش عندهم أستاذ دين خالص

■□في جهاز طبي بسيط لطفل مريض محتاجينه للضرورة صورته موجودة عالخاص بس بيحلله مشكلة وبيريح أهله

#يسعد_صباحكم وأحلا دعوة عالصبح ربنا يرزقكم ويوسع عليكم ويسد عنكم ديونكم وما يحوجكم لحدا..

#هلا_بالخميس🌹
22-9-2022

يسلمو على الخبر
تحياتي

يسسلمموو لممتابعتكك الممسستمرهه
+ وردهةة

يسلمو ع المتابعه الامير
ويسعد اوقاتك

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

مشكور للمتابعة و النقل
تحياتي

يعطيك العافيه