أخبار_عالريق 811 يوم ✅يكتبها /#سعيد_الطويل

#أخبار_عالريق 811 يوم
✅يكتبها /#سعيد_الطويل
■الحمد لله رب العالمين اليوم بنودع الشتا بسقعته بمنخفضاته بأمراضه بالشفشفة تبعته وبخير مطرته كمان ..الله يساهل عليه كان فصل صعب ومرهق وموزع كآبة بتكفينا لسنين جاية .

■المهم انه بكرة حنبلش بربيع خير وسعادة ان شاء الله من أعمارنا وأعماركم بس لسة الجو ضل فيه شوية تشطيبات وسقعة ومنخفض الوداع حيضل لآخر الأسبوع.

■توفى ع وجه الفجر شب اسمه محمود صباح بيشتغل ضابط بمكافحة المخدرات صار معه حادث سير بسيارته بدير البلح .

■أعداد اصابات الكورونا قلّت كثيير في غزة ، شكله محدش بيفحص واحنا أصلاً نسينا الموضوع .

■وزارة الاقتصاد بتقول انها مش حتتهاون مع أي حد بيتلاعب بالأسعار.

■ عمــ لية فـ دائية عملها شب جدع مبارح بالقدس صاوب مستوطن.. وطخوا عليه وتصاوب ربنا يشفيه

■مجدلاني بيقول انه دفع من الشؤون الاجتماعية 200 دولار لكادر فتح في غزة المش مفرغين

■ تلاتة من عناصر مكافحة المخدرات تصاوبوا وهما بمهمة بمنطقة الشعف بالشجاعية.

■ اياد نصر بيقول انه سجلات 2019 ملناش دخل فيها والموضوع كله عند مكتب العمل

■إللي قتل الشب محمد وادي بالشجاعية راح مثّل الجريمة مبارح قدام النيابة

■روسيا بيقلك استخدمت صار.وخ أسرع من الصوت لتدمير مخزن ذخيرة في أوكرانيا لأول مرة بالحرب.

■أسعار البضاعة تبعت رمضان مبينة من أولها غالية عن الموسم إللي فات

■أربعة كيلو فراولة بعشر شواكل بس مش حلوة كثير ،اعملوها عصير أحسن

■الدولار سعره نازل عن الأيام إللي فاتوا والذهب لسة سعره بالعلالي

#صباح_الخير للناس إللي بتصحى ناوية عالخير ونفسيتها حلوة مش محمضة ضحكتها وبشاشة وجهها بتفارقهاش ،صاحية عندها هدف وناوية تحققه ..ومش هاممها حدا..

#صباح_الخير خص نص لجماعة الشتا إللي تابوا ورجعوا لصوابهم بعد موسم شتوي لوَحنا لووّوّوح .

#يسعد_صباحكم 🌹
الأحد 20-3-2022

شكرا ع المتابعة
تحياتي

مشكور ع المتابعة
يسعد اوقاتك

الله يكون في العون
مشكور للمتابعة

يسلموو ع المتابعة
يعطيك العافيه أخي
ربي يسعدك

تنككيوهه الامميرر

شكرا ع المتابعة
يعطيك العافية

السلام عليكم ورحمة الله وبركاته


يسلموووا ع النشرة الاخبارية المنوعة والمتابعة


يعطيك الف عافية


بانتظار جديدك دائما





تحيتي