أمي قالتلي أنا أكتر حدا بيعرفك ..

أمي قالتلي أنا أكتر حدا بيعرفك ..

بعرف إذا كنت فطران الصبح من شفافك، شفافك بتزرق لما بتكون جوعان ..

و بعرف إذا نازل عالجامعة من تسريحة شعرك، بتاخدو ع جنب ..

وبعرف لو ما نمت من تحت عيونك، أنت عكس العالم بس تنعس فوراً بتنفخوا وكأنك نايم من سنة ..

بعرف إذا عنجد فرحان من ضحكتك، بس تفرح عنجد ما بطالع صوت بتضحك بعيونك ..

وبعرفك إذا مرضان من وجهك، من لما كنت صغير بس تمرض أول عرض بيظهر عليك بيشحب وجهك وبصير أصفر ..

وبعرف إذا مبسوط ولا لا من دقنك، بتعتني فيها بس تكون مرتاح ..

بعرف إنو في بتمك حكي لما تصير تغني، هي طريقتك لتلهي حالك عن الحكي ..

وحالياً أنت زعلان إلك فترة وأنا بعرف هالشي بس تاركتك على راحتك..
بس إذا لقيت حدا بينتبه للشغلات يلي أنا بلاحظها يبقى بيستاهل تزعل منشانو .. ماشي يا امي��!.


مما راق لي