لترتاح بحياتك بعد عن أنواع البشر التالية!

لترتاح بحياتك بعد عن انواع البشر التالية :

- الشخص يلي بيحسسك انو كل اللي حواليك سيئين وبيحاول يقلل من قيمتك ويصغرك بعين حالك كرمال يحسسك انو هوي الوحيد بهل حياة رح يساعدك وينقذك.

- الشخص الإتكالي يلي بيرمي مسؤولياتو عليك وكأنك أمو أو أبوه ومجبور فيه.

- الشخص يلي كل ما يحاكيك بيحاول يركزلك ع عيوبك وبيكرهك بحالك.

- الشخص اللزقة ، يلي ما بيتركلك مجال تشتقلو.

- اي شخص بينتمي لجماعة التنمية البشرية هاد يلي شو ما حكيتلو مشكلة بيقلك الحل انك تحب حالك وتحب عيوبك.

- الشخص يلي بس يتوفر عندو البديل بينساك تماماً
يعني بالمشرمحي " عاملك استبنة".

- الشخص المصلحجي يلي اذا بطلت تقدملو شي ببطل يقلك مرحبا.

- الشخص يلي ما عندو مبدأ وحسب السوق بيسوق
هاد الشخص ما بيضرك بس بيحسسك انك حمار لانك بيوم من الايام فكرتو فهمان وهوي مجرد ببغاء بيردد شو بيسمع.

- الشخص بياع الحكي لانو في علاقة طردية انو كل ما زادت نسبة انك تبيع حكي واخلاق كل ما زادت نسبة انك علاك وكذاب.

- الشخص يلي بيطلب منك تغير من شخصيتك كرمال يكون معك " هاد اتفه انسان ممكن تقابلو بحياتك".

- الشخص اللي كل همو المظاهر لانو بس يصحلو احسن منك بيقلعك.

- الشخص يلي بيضل بياخد منك حكي بس ما بيحكيلك شي عنو هاد اكتر انسان حسود وعينو ديقة.

- الشخص اللي بيعاملك حسب مزاجو.

- الشخص يلي ما بيحكي معك الا اذا كنت عم تضحك وبس تجرب تحكيلو عن همك بيقلك شو هالنكد وبيروح !

- الشخص يلي بيحسسك انك لازم تكون ممنون لوجودو معك وبستكتر حالو عليك.

- الشخص اللي بتحسو ناطرك ع نكشة ليشمت.. هاد فعلا رح يتعبك لانو رح يمنعك تعيش حياتك بعفوية من خوفك من شماتو.

" خلي نفسيتك فوق الكل "

الشخص يلي ما بيحكي معك الا اذا كنت عم تضحك وبس تجرب تحكيلو عن همك بيقلك شو هالنكد وبيروح !
حبيت ههايي ووتر !
+ اولل ممرهه ببمرر بظرفف و مموتت !
+ بسس ففي نناسس م رااعوو هالششي
+ و ققالل ممتغيرهه هههه ههو لازمم اضضحك
ممتلا ! لابههركك وناهه ممدايقهه
لاا ي ععمممممي ننفسسبتي اههمم !
تققيمي + نججومي ححببيتي
وردهه

خلي نفسيتك فوق الكل "
احسنتِ وتر
الله يبعتلك ايام حلوه
و
سنين احلى

كلام سليم ومهم لاي حد
حابب تكون نفسيته مرتاحة

عوافي الك وتر

كلام واقعي وبيصير

عوافي ياسكره

شكرًا لحضوركم.

	السلام عليكم ورحمة الله وبركاته يسلمووووا ع الطرح القيم والمفيد يعطيك الف عافية بانتظار جديدك دائما تحيتي

شكرا لحضوركم