زجل شعبي في ظل كورونا

سلام الله عليكم جميعاً
في الحقيقه لست ممن يكتبون الزجل الشعبي ولكن هذا ما نتج مني أثناء جلستي مع أقاربي ( اولاد خالتي)


اوعك تطلع من الدار
بدنا منك انحسار
كورونا واحد غدار

جايه علينا من الصين

لا تستهتر دخيلك
كورونا والله بصيبك
وعن أرضك ما بشيلك

وبدخل جوا الشرايين

بكل العالم هالوباء
ما لقيوا الو دواء
ما النا غير الدعاء

ندعي رب العالمين

الله يستر والله يعين
الله يشفي المصابين
المرضى صارو ملايين

نصيحه ارجع لدين

احسنلك ألزم دارك
لكن ما تنسى جارك
حتى لو ما جى زارك

حطه عالراس وعالعين

كورونا ببعد عنك
ما تخلي حدا عندك
وما تصافح حدا بيدك

وعقم دوما الايدين

يا محلا القعدة لحالي
لا مع عمي ولا خالي
لا تزعل مني يا غالي

كل الناس محجورين

بدنا نحمي هالوطن
من كورونا الملتعن
مهما كلفنا الثمن

لعيونك يا فلسطين

هالكورونا لملمنا
ع المحبة جمعنا
وللسلامة قررنا

نبقى دوما ملتزمين

هههههه حلوووه الكلمات حبيتها
الكورونا علمتنا الالتزام بكل شي
تسلم لاادراجك وماننحرم فيض قلمك
المميز

بسيطة قدام كتاباتك التانية
لكنها حلوة
يسعدكك لادراجهاا ..

انا بحب اسمع الزجل لأني بضحك وقتها
و هاي حلوة كتير و الله هههه
رائع صديقي
تقييمي

ههههه
رائع استاذي زجل في محله
وبسيط وعفوي ابدعت
لروحك الجوري

والله بتجنن
وفيها نصائح وارشادات كمان
يسعدك علاء
وم ننحرم ي رب

والله يا علاء حيرتني معك
شاعر ولا قاص ولا بتكتب زجل
حلو الكلمات من حيث المعنى واضحه
لكن القافيه وتغييرها ف كل مقطع
كان متعب شويه حلو كتير أنه تتعدد مواهبك بالكتابه
مشكور

من فوائد الكرونا ..
خلت أخونا علاء يحكي زجل ههه

زجل حلو، ومليان نصائح ..
صح لسانك ..

يسعد صباحك

حلوة كتير كتير
ما شاء الله عنك
مُبدع كالعادة
تقييمي

محلاه هههههههه
بدنا حد يغنيها ويلحنها

تقييمي البسيط
والله كورونا خلتك يا علاء تكتب كلشي

موفق