فوائد انك تكون single😜😜😜

فوائد انك تكون "Single" :
١- بتنام و بتفيق ايمت م بدك ، بدون ما حدا يصحيك من عز نومتك بنص الليل يقلك اشتقتلك ، بالله اشتقتلي ؟؟ طيب انا شو بدو يرجع ينيمني اه ؟؟ انو هي رومانسية قال ،
٢- متخيل انو شحن تيليفونك بطول ، يوم كامل بدون شحن ، ما بتحتاج تشتري باور بانك وتكلف حالك.
٣- بتكرش ع اي حدا حتى لو شفتو صدفة ، بدون ما تحس بتأنيب الضمير ، عادي وبحالة السنجل يُمكن تعدد الكراشات بنفس الوقت.
٤- مافي مشاكل ، مافي بروبلم ، مافي نكد ، يعني مافي داعي تنزل كل دقيقتين اغنيه دمار على السناب شات ، ملحوقة باللهم قوة على الفيسبوك والواتس و بعد يومين بتتغير الحالات لبحبك كثير يا اميرتي وياخريتي، اضطراب بالشخصية بصير معك !!
٥- بتصير اجتماعي و بتتعرف على اهلك اكثر ، بتتخلى عن المئة عام من العزلة و بتصير مشارك بكل شي بالعيلة و بتحب قرايبك ، لدرجة انك بتصير تعمل جمعيات معهم وعادي.
٦- دائمًا بتتصدق ، لانك دائمًا مبتسم والابتسامة صدقة ، مافي حدا مكرهك عيشتك و بتكون صاحي ورواق عطول.
٧- بتتجنب امراض السكر والضغط والجلطات المبكره ، بسبب مراقبتك الدائمة لصفحاتها ولايكاتها و كومنتاتها و كل شي بحياتها .. وهيك بترتاح من الموت المبكر.
٨- بصير معك فائض بالسيولة المالية و بتصير الناس تتدين منك ، اي م هو لا في هدايا ولا مناسبات ولا كل طلعه لبس جديد و عزايم.
٩- دائمًا مركز بكل المواضيع العائلية وبتتجنب البهادل المفاجأة من اهلك بسبب سرحانك الدائم والمتواصل.
١٠- مافي داعي لحفظ التواريخ ، اعياد الميلاد ، اول يوم قالتلك بحبك فيه ، اول يوم شفتك فيه ، اول رساله بعثتلي اياها ، ، اول فلونزا وانتي جنبي ، بتحس حالك بكالوريا بتقدم بامتحان ثقافة عامة !!

شوف الجانب الإيجابي بحياتك وأگعد وهدي وخليك ريلاكس
.......# 🙂🎼✋

��������
كل هاي الفوائد استمتع بها انا
شكرا الك على الدعم المعنوي

اقتباس   المشاركة الأصلية كتبت بواسطة وجع الروح �������� كل هاي الفوائد استمتع بها انا شكرا الك على الدعم المعنوي

هههههههههه
تصدقش كلشي هون
بكرة لجيبلك فوائد الزواج وبتتشجع

والله معك حق
مع اني اعزب الا اني عايش حياتي احسن من الكل المتزوجيين
الحمد لله


يسعدك

اقتباس   المشاركة الأصلية كتبت بواسطة م.خالد والله معك حق مع اني اعزب الا اني عايش حياتي احسن من الكل المتزوجيين الحمد لله يسعدك

بحسدك اقسم بالله ههههه

٢- متخيل انو شحن تيليفونك بطول ، يوم كامل بدون شحن ، ما بتحتاج تشتري باور بانك وتكلف حالك.

بالعكس.المتزوج شحنه بضل زي م هو لانه مش مضطر يحكي مع مرته.اما السنجل.بحكي مع كل بنات العالم.ههه
يسلمو ملوكه
حبيت طرحك