ابعد تحلا🤔🤔

• ابْعِد تِحلا، بس مش دايماً، وقت تكون بعيد ح تحس حالك اشتقت للحارة، لأولاد العم، للطريق والشارع، وقتها بتكون عنجد عرفت قيمة الناس إلي كانوا جنبك وبنفس الوقت م بدك ترجع تقرِّب تاني لأنه لما انت بعِدِت زادت حلاوة الأشياء بعينك

• ابعِدْ مش شرط تحلا، ابعد ح تعرف قديش وجودك وعدمه واحد بحياة ناس معينة، قديش كنت بتبعد عشان تعرف حبهم وفالاخر تقلب ع راسك لأنه غيرك مرتاح بدونك

• ابعِد عشان خلص في حدود بينا وبين الناس مش لازم نقربها، عشان م ينفع أقرِّب أكتر فأختار إني أكون بعيد

• ابعِد عشان ترتاح من كتر الحكي والشوفة وقال وم قلش وتبطل تضيع وقت وتنفذ طاقتك ع اشي مش محرز

• ابعِد عشان في بحياتك مهم وأهم وأكثر أهمية، والقرب أو البُعد عن الناس ملهوش أي علاقة بالشي إلي بتسعى إله، وبدك تحققه

• أحياناً بنبعد من البداية وبنخاف نقرِّب تِبَعاً للمقولة إلي بتقول محدش دايم لحد، ومن هادا المُنطلق بنبعد لأنا بنخاف الانقطاع الفجأة، وبنخاف بهوت العلاقات وبرودها


مش كل مَنْ بِعِدْ احلَوْ، ولا كُل من قرَّب انكره، مش كل حاجة مقولات ندندها ونقيس عليها بدون م نفهمها صح 🍃❤