ما تقوللي اشلون نرجع اصدقاء؟

درت كلها بحبنا من حبينادرت كلها بحبنا من حبينا - الشاعر يحيى العلاق

درت كلها بحبنا من حبينا
ما بقى احد ما حكا بطارينا
تكلي انسى وأصدقاء خلينا
على بختك شمتتهم بينه
ما تكلي شلون نرجع أصدقاء ؟!
يعني شنسوي إذا تلاكينا
شلونك شلون الأهل ؟ والله آني زين
وانتو هم شلون صحتك ؟ زينه
صعبة واحد يكدر يرد السلام
والدمع حاجز مكان بعينه
ونسرح بنظراتنا ويصحى الشعور
يا ترى ليا موقف يودينا ؟!
للتفاصيل البسيطة ال بيها روح
الكعده والضحكة ودرب ماشينه
وكافي تتهرب وحب و كبرياء
والقصايد كلها ذيج الزينة
وكتلك نشيب سوى وكبلك أموت
كتلي كافي اسم الله لتبجينا
جنا كد ما نعشك نسوي الرهان
منو يحب الثاني أكثر بينا !
ومن أكولك آني لا آني تصيح
أبو الآني شويه لا ترمينا
الحب فعل مو ثرثرة وكثرة كلام
ليش نحلف جذب شموازينا ؟!
جاي تطعني بعذر نبقى اصدقاء
والله عيب وفشله من ماضينا
والله عيب وفشلة من ماضينا

الحب فعل مو ثرثرة وكثرة كلام
ليش نحلف جذب شموازينا ؟!


قصيدةة جميلة و رآقت لي
اشكرك .

القصيدة كثير جميلة والقائه الها ولهجته العراقية رائعة
يعطيك العافية لادراجك الراقي ..

الالقاء بجنن
وبحب هيك نوع من الشعر النبطي

يسعدك شهد
حبيت القصيدة