يا مرايتي /اليسا

يا مرايتي من كم سنة لليوم
قد ايش تغيرت؟
يا مرايتي من كم سنة لليوم
انا كم مرة خسرت؟

يامرايتي ياللي بتعرفي حكايتي
انتي بتعرفي شو شفت
وبتعرفي
من شو خفي
كم مرة بوجهك وقفت
قلتلك هيدي نهايتي

يا مرايتي ياللي بتعرفي حكايتي
زهئانه من كل الدنيا
تعبانه مدري شو بني
كل يوم عم عيشوا سنه
معئول هيدي نهايتي؟

يا مرايتي شو ضيعت شو لئيت
وشو باقي فرص
يا مرايتي
قلبي تعب عن جد
من كل القصص
يا مرايتي
ياللي بتعرفي حكايتي

مقهورة من غدر البشر
مهمومة قاتلني الضجر
في جروح عم تترك أثر
ترسم طريق نهايتي
يامرايتي
ياللي بتعرفي حكايتي

مجروح قلبي وما جرحت
ع جروح قلبي تمرجحت
من يوم يومي ما فرحت
قولي لي وين بدايتي؟

يامرايتي
من كم سنة لليوم
قد ايش تغيرت
يامرايتي
من كم سنة لليوم…
انا كم مرة خسرت؟

لأ، ماكان وقتي بعد
ليلتها قررت حط نقطة لقصتي معه
لتنكتب لي بداية جديدة
سنين قطعت وكفيت طريقي
وكتبت قصتي
كتابي قصة مرة عانت يمكن اليوم عم بتشوفني لتعرف انه لأ، مش هاي هي النهاية
اكسري صمتك وما تكسري صورتك بالمراية

يا مرايتي من كم سنة لليوم
قد ايش تغيرت
يامرايتي
من كم سنة لليوم…
انا كم مرة خسرت؟