أيوه بغير للشاعر هشام الجخ

أيوة بغير

لا انا نقصان ولا ضعفان ولا مسطول ولا سكران
ولا زايغ من عيني الضيّ ولا حد احسن مني في شيّ بس بغير
واللي قالولك غيرة الراجل قِلّة ثقة او قلة فَهم خَلْق حمير
غيرة الراجل نار في مَرَاجِل نار بتنوّر مابتحرقش
واحنا صعايدة بنستحملش شمسنا حامية وعِرْقنا حامي وطبعنا حامي
واللي تخلّي صعيدي يحبها ...يبقى يا غُلْبها
اصلنا ناس على قد الطيبة ...كلنا هيبة


اصل المشكلة عندك .. عندك ..(عنادك)
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير




اللي تخلي صعيدي يحبها...يبقى ي بختها