الجامعات الغزوية ^ ^

- الجامعة الأسلامية : هي الجامعة الام ، طالبها بفتخر انه هو بدرس فيها و برفع راسه مع انه داخلياً بكون قرفانها و نفسه يحول منها ، صعب تتخرج من تخصص باقل من ٥ سنين الا اذا تُعتبر قطاعة زمانك.

- جامعة القدس المفتوحة : للحظة بتحسها محمية طبيعية مش جامعة ، بط و وز و بحرة و حمام زاجل ، يعني طالب الهندسة بالبريك بتلاقي بكش حمام فوق سطح الكلية عادي.

- جامعة الأزهر : الى هيا جامعتي سابقا ^ ^
بتحس الدكاتره فيها حاقدين على الطالب ، بتكون الخطه ١٣٢ ساعة و الطالب مسقط مواد و راسب ١٢٩ ساعة يعني لو يسقط كمان ٣ ساعات وبتخرج خلص.

- جامعة الأسراء : اغلب طلابها تعبانين نفسياً من الحياة و تفكيرهم بالانتحار كل فصل بزيد ، طبعاً صعب تدخل عليها و انت سنفور لازم تكون محول من جامعة ثانية.

- جامعة الأقصى ( خانيونس ) : طلابها معترين ماكلين هوا ، عايشين بخطر دائم بسبب المواصلات و اكبر همومهم تخفيض الاجرة قدر الامكان.

- الجامعة الأزهر المغراقة : صحراء الربع الخالي ، مستعمره حربية نوعاً ما ، يعني بصراحة ناقصهم خيمة و جملين و بتم تصوير فيلم الرسالة الجزء الثاني .

- جامعة غزة : كل واحد بحاله و اغلب مشاكلهم على حبتين كتكات و حبة معجنات و مين يباكس مين يباكس و كذا.

- جامعة فلسطين : شواكل عفق طبعاً ، عاد صاحبي فيها هيو و من اول مبارح بدور على واحد يشحده 100 شيكل لاخر الشهر.

- جامعة الأمة: الطلاب بتسجل فيها بتفكرها سهلة و رح يتخرج بسنتين و نص ، بنصدم باخر كل فصل انه مسقط مادتين و حامل مادتين و طالع بمادة.