انا من بلد بيعرف كل بيت فيه بالحارة شو طابخين كل الجيران

انا من بلد بيعرف كل بيت فيه بالحارة شو طابخين كل الجيران ؟؟
هاد البيت طابخ ملوخّية.....وهاد البيت طابخ مقلوبه
وريحة الخيار يعني سلطة.. والسمك شارح حالو لحالو
وذبح البطيخة فضيحة ؟؟........
أنا من بلد القمر فيه بالصيف يعني سهره.....
وكل عرس يعني دبكه.. ..
وكتب الكتاب يعني كنافة....
من بلد كانت أمي تقول يا ابني
“ غسل وجهك لأنك ما بتعرف مين بيبوسو، و كّنس بيتك لأنك ما بتعرف مين بيدوسو”
وأبي يقول:
“جارك أخاك.. إذا ما شاف وجهك بيشوف قفاك”
من بلد لما بيندق فيه الباب بنتحزّر بين بعضنا مين وبنقول: يا ترى مين إجانا؟
هي رنة الجار.. سريعة وقصيرة، هي رنة عمتي...... ناعمة وخفيفة
وهي خبطة ابن الجيران ....،
وهي خشخشة المفاتيح لا ابوي عم ينادي ويتنحنح.. ليتغّطوا النسوان
من بلد......الذهب كان الأساور الرفيعة والمبرومة والحيّة........
انا من بلد المنسف بينطبخ بالافراح والاتراح و كل أيام الجمعة، وشوربة العدس كل أيام رمضان ......
بلد كل شي بيصير فيه بيستاهل يكون خبريّة.....
بلد حتى حبال الغسيل فيه بتحكي قصص، ولقّاطات الغسيل بتنقل رسائل الغرام، ونشر الغسيل إله أصوله مشان ما يقوله عن الست عفشه
بلد كانت الست تقول: “لو كانت أسوارتي وقيّة ما لي عن جارتي غنيّة”
بيت الجيران أول باب بيندق لما بيخلص الخبز على غفلة، ولّما ما بيلتقى ليمونة.....
بيت الجيران أول بيت بنزوره بالعيد لناخد أول عيدية
والبيت يلي بيتحمل ولدنتنا وقت ندق على بابه وبنهرب ....
ومنرش عتبته بالمي لما بندير البربيش لنرش الحارة بالصيف
والبيت يللي بنوقف قدامه لنوصّله سكبة من طبخة اليوم ...كل مغرب برمضان ...
ببلدي ما فيه قطّة جوعانة.. وكلاب الشوارع شبعانة ,
وبكل حوش في داليه وفراش للضيف
ونمليه فيها المكدوس وتنكة جبنة والزيتون وزيت وزعتر ...
ببلدي... كانت ايام الشتا.... ياعيني على أيامها..
كانت الصوبه... ولهبها... عم يقمر الخبزات ويشوي الكستنا....
وكاسة الشاي يلي عم تتنقل من إيد ﻷيد بجلسة فيها طنة ورنة.. ..
ببلدنا الغيرة بتشعل فينا مو بس اذا حدا اطلع أو لطش اختنا .. كل بنات الحارة إخواتنا ....

بساطة في التعبير والفهم
بساطة في الحياة الاجتماعية
بساطة في الحرف ومع ذلك أسست فينا مبادىء قيمة
وكانت بذرة لتربية سليمة وياريتها دامت بساطتنا
شكراً الك

كل الحال تغير هالحين ياحسرة
يعطيك الف عافية

اقتباس   المشاركة الأصلية كتبت بواسطة ريــم بساطة في التعبير والفهم بساطة في الحياة الاجتماعية بساطة في الحرف ومع ذلك أسست فينا مبادىء قيمة وكانت بذرة لتربية سليمة وياريتها دامت بساطتنا شكراً الك

وتبقى البساطة والعفوية والتقائية أهم ما يميز أي شخص
وبها تحلو الحياة وتصبح على أجمل ما يكون

ليتها تعود وتعود معها تلك الأيام
يعود الإحساس والشعور الذي إفتقده الكثير من الناس
وتغمر أجوائنا روح المحبة والود والصدق والإخلاص


على اي حال
ممتن لحضورك الذي يٌضفي للموضوع رونق خاص
كوني بخير أيتها الراقية

ما احلى هالبلد وريحة البلد وكل شي بهالبلد

ما احلى زمان وايام زمان ونفوس زمان ولغب زمان واكل زمان وجيرة زمان

شو حلو هالحكي يلي حكيته رجعنا لزمان زمااان

ايام ماكانت بنت جيرانا تنام عنا ، وكنت اصحي من النوم اروح افطر عند ستها

يسلمو مشاعر مبعثرة للطرح الجميل جدا

احترامي الك

اقتباس   المشاركة الأصلية كتبت بواسطة خَمْر أيلول ما احلى هالبلد وريحة البلد وكل شي بهالبلد ما احلى زمان وايام زمان ونفوس زمان ولغب زمان واكل زمان وجيرة زمان شو حلو هالحكي يلي حكيته رجعنا لزمان زمااان ايام ماكانت بنت جيرانا تنام عنا ، وكنت اصحي من النوم اروح افطر عند ستها يسلمو مشاعر مبعثرة للطرح الجميل جدا احترامي الك

بالفعل ما أجمل البساطة


والأجمل أن تعيشها بكل حرف فيها وبكل معانيها فسوف تشعر بأنك سعيد لأنك عشت حياتك ببساطة

راق لي تشريفك هنا

وأعجبتني بساطتك الرائعة في الحديث

كوني بخير ايتها البسيطة ^ ^

آآحلى ششي البسساطهه
واللهي بتججننن ممو متل هلـآ
ككل نااسس تتغغيروو و سسسارو مععققدينن أأككتتر
ففي ححياتههمم ')
ورددهه

يا ريت ضل اي اشي من الي كان زمان
سواء البساطه او النفوس الحلوه الراضيه
اتغير الزمن واتغيرو الناس
ولسسسسه
جميل جدا طرحك مشاعر
راقني جدا
متميز انت بانتقاءك للمواضيع
كن بخير

كتير مؤثر الحكي، واكتر شي لفتني عن الصوبه وع طول اتذكرت إنه اغلب الناس هالايام عايشين ع المزجنيم والمكييفات،
عنجد الزمن بيتغير والحياة بتتغير، بس ما بدي اشمل كل الناس، لإنه اليوم بعد في ناس مخلصه لحياة زمان ومحافظه ع اشياء كتير من الماضي.
شكرا مشاعر.

عَطَاءاً مُسْتَمَدَّا مِن ذُوْقُ.. كُله تُمَيِّز وَّابْداع
ارَى سُطُوْر مُلـيئه بِجَمِيْل الْأَلْفَاظ
وَبِمُخَتَلِف الْعِبَارَات الْرَّائِعَة*
وَزَاخِرِةٌ بِأَجْمَل المعاني
لِرَوْحِك انْفِاس الْزَّهَر