أيُ وطنٍ تختار ؟

بسم الله الرحمن الرحيم



يقول تشي جيفارا " قيمة الوطن أنك تجد فيه العدالة أكثر من أي مكان آخر ، قيمة الوطن أنك تجد فيه الحب أكثر من أي مكان آخر
وعندما يخلو الوطن من الحماية والعدالة والحب يصبح المواطن غريباً "

ويقول الشاعر : بلادي وإن جارت عليَّ عزيزة .. وأهلي وإن ضنّوا عليَّ كِرامُ


برأيك هل يكون الوطن وطن حتى وإن فقدنا فيه الحب والعدالة والأمن وحتى وإن ساد فيه الظلم والإستبداد وأصبح المواطن غريباً

أم برأيك أي مكان توفر فيه الحب والأمن والعدل وامتلكت فيه كافة حقوقك الإنسانية أصبح لك وطناً


أتمنى أن أر آرائكم...

الوطن وطن كيف ماكان حاله ، والحب والعدالة والسلام الشعب يلي بيصنعن

واي انسان بغريزته ميال لبلده ولو كان وين ماكان ووين ماراح

النبي عليه الصلاة وقت الهجرة عزّ عليه ترك مكة وقال " والله إنك لأحب البلاد إلي الله وأحب البلاد إلي ولولا أن قومك أخرجوني منك ما خرجت " رغم ان الظلم والاستبداد والقهر يلي اتعرضلو ماحدا اتعرضلو بالبشرية ولكن هاي الفطرة


انا هلا بعيدة عن بلدي صح انى بمصر وفيها مطارح حلوة وفيها كهربا طول الوقت وفيها شمات هوا بس معك مصاري لكل هاد

انت بالغربة قرشك بيحميك مش الحب ولا الامان ولا الانسانية يلي فيها

بس فى بلدك غير ما معك قرش بس انت بين اهلك وناسك اذا انشكيت شوكة بتلاقيهم كلهم حوليك


اي ملعوووون ابو الغربة جهنم الوطن ولا جنة الغربة يا اخي

ماحدا بيعرف قيمة الوطن
مثل اهل فلسطين
انا افسر كلمة وطن
هي الديار التي تشعر فيها بالأمان وتأخذ كل حقوقك من مبدا العدالة
والاهم من ذالك الحرية التعبير الديمقراطية
ولا ننسى وطني الي ولدت فيها
برائي
حتى لو توفرت كل الاشياء الي ذكرتها
في مكان غير وطنك
لن تشعر بالامان
و وطنك وإن غاب عنه الكثير من الي ذكرتهم
بيبقى وطنك ويكفي انك تشعر بالامان فيه
وطني واحد فلسطين مكان مولدي
ومسقط راسي
وحتى لو توفرت لي كل سبل الحياة في ديار اخرى
مارح اكون مطمن ولا مرتاح
بتمنى تكون وصلت وجهة نظري إلك
كل الشكر

برأيك هل يكون الوطن وطن حتى وإن فقدنا فيه الحب والعدالة والأمن وحتى وإن ساد فيه الظلم والإستبداد وأصبح المواطن غريباً

نفقد الحب لكن يبقي وطنا ونفقد العداله والامن ويبقي وطنا ويسود الظلم ويبقي وطنا فلسطين
ومستحيل هيك شي يتغير

أم برأيك أي مكان توفر فيه الحب والأمن والعدل وامتلكت فيه كافة حقوقك الإنسانية أصبح لك وطناً

بتروح للغربه وبتتغرب وبتشتغل وانت مجبور علي هيك وضع انت فيه بس بتظل تحن للوطن
الوطن مش غزة الوطن كل فلسطين المحتلة
عني انا بايع غزة بمن فيها هههه
لكن مش بايع فلسطين ولو بروح لوين ما اروح بيظل الحنين للوطن هو الاكبر

برأيك هل يكون الوطن وطن حتى وإن فقدنا فيه الحب والعدالة والأمن وحتى وإن ساد فيه الظلم والإستبداد وأصبح المواطن غريباً
الوطنن بضضل وطنن لو ع سسيئآآتو و لو ففي ظظلمم !
ومففي مواططنن غغريب ففي وططنو و مححدانن بحسس بههآد الششي
الآ المغغترب متلي نناهه :(

أم برأيك أي مكان توفر فيه الحب والأمن والعدل وامتلكت فيه كافة حقوقك الإنسانية أصبح لك وطناً
ههو آككيدو متلن ناهه ععآيششهه ففي الآردنن و بعتبرو وططني التآآنني و بححبو
و عندي انتمآء ككبير لـ الآردنن بسس ممو بععد وطني فلسطينن ')


يسسلمو ع ههآد النققآشش الحلو ')
ورددهه

ما رح اختلف عن اللي سبقوني
واللي عجبتني ارائهم جدا
وحسيت بريحة الوطن وحبه بكل كلمه حكوها
وعن تجربة ناس من حواللي كتير
اتغربو عشان المصاري
بس الغربه والمصاري ما قدرو يحسسوهم بالسعادة اللي بعيشوها بالوطن
وبين الاهل
وع تراب الوطن
لو شو ما كانت ظروف وطنا صعبه
بكفي انه وطناااا

برأيك هل يكون الوطن وطن حتى وإن فقدنا فيه الحب والعدالة والأمن وحتى وإن ساد فيه الظلم والإستبداد وأصبح المواطن غريباً ؟طبعاً بيضله وطن , الوطن ما اله ذنب باللي بيصير اصلا اللي بيصير عليه بيصير علينا
الوطن منتهك زيه زيناا ما بنفع نكرهوا لو شو ما صار , المفروض نكره الي سبب كل هالازمة بالوطن و خلاها اسود بعيون ناس كتير من الشعب
هادا الظلم و الفساد الي بيصير بالوطن المفروض ما يزيدنا الا قوة و حماس و صمود بوجه العدو
اللي كل هدفه انو نكره و طننا و نتخلى عنه

أم برأيك أي مكان توفر فيه الحب والأمن والعدل وامتلكت فيه كافة حقوقك الإنسانية أصبح لك وطناً ؟

لا طبعاً , الانسان بيضل يحس حاله غريب و ما اله مكان و لو توفرت اله كل سبل الرخاء
ما فيه بعد تراب وطنه و أرضه


شكرا هل كان حباً للنقاش الجميل

الوطن بضل وطن شو ما كان حتى لو فقدنا فيو الحب والعداله
وصدقني ما بتعرف قيمة الوطن الا لما تتغرب بضل ارض بلدك اجمل شي
عشت في امريكا سنتين وكان كل شي متوفرلي وكان كل شي فيها حلو بس جواتي ما كنت احس لا بالامان ولا بالسعاده
كنت طول الوقت احس بغربة جواتي و احن لبلدي واتمنى ارجع لالها باسرع وقت
المفروض نحنا نكون اقوى من كل الظروف يلي عم تصير ببلدنا اذا نحنا ما تحملنا يلي بصير مين يلي بده يتحمل

عوافي هل كان حبا ع النقاش الجميل

انا بأيد المقوله الثاني اكثر "مكان توفر فيه الحب والأمن والعدل وامتلكت فيه كافة حقوقك الإنسانية أصبح لك وطناً"
هذا بالنسبه إلي انا كبنت عربيه درزيه عايشه جوات اسرائيل فلسطين المحتله،
العرب هون مساكين، بحس مالونش وطن،
اذا اللغه التانيه اللي عم نضطر نحكيها يوميا هي العبري، هذا وطن بدي اسميه؟
منضطر نحكيها بس لحتى نمشي بحياتنا، لحتى نعيش، لحتى نستمر، اي وطن هذا؟
واساسا اسرائيل ولا بعمرا رح تكون وطن النا، الصهيون ولا بحياتنا منعتبرون من لحمنا ودمنا،
لهالسبب انا اخترت المقوله، لإني بحياتي معرفتش شو يعني كلمة وطن،
فلو استقريت فأي بلاد تانيه ولمست فيها الحب والإنسانيه، رح اعتبرها وطني اكثر من وين انا خلقت ووين انا عايشه إسا ..
سؤال مميز احمد

الوطن يبقى وطن وان قسى

وعلى قناعة الوطن لا يقسو بالعكس احنا يلي بنقسي ع بعض

واحنا يلي ماكلين لحم بعض شو خص الوطن !

الوطن بضل وطن اي الواحد بس يروح ينام عند دار سيدو م بصدق يرجع ع داره