أخبار_عالريق 1128 يوم ✅️يكتبها / #سعيد_الطويل

#أخبار_عالريق 1128 يوم
✅️يكتبها / #سعيد_الطويل

▪︎يوم خفيف نظيف عدى من أيام توجيهي الثقيلة ..واليوم إن شاء الله حيلحقه يوم أجمل

▪︎موسم هذه السنة بالتوجيهي بدنا نسميه موسم البحث عن الترندات والتفاحة وصورني وأنا مش ماخذ بالي

▪︎عموما إللي قبّع قبّع وإللي ربّع ربّع ....ولكل مجتهد نصيب كانت سنة طويلة والميدان مفتوح يا حميدان

▪︎بالنسبة إللي أنبسطت بشوفة كل أم بتدعي لإبنها و بنتها قدام باب المدرسة وما ضايقني المنظر ..أصلا بيحق للأم إللي ما بيحق لغيرها

▪︎اليوم توزيع شهادات كل مدارس الوكالة ..وبعدها حيرتشق شرق الفيس في صور شهاداتهم إللي بتفتح النفس

▪︎بيقولوا موجة الشوب إللي كانت جاية اليوم وبكرة تراجعت قوتها ..والله أعلم

▪︎الدولار نزل سعره مرة وحدة ووصل 3.63

▪︎بالنسبة لقطع غيار الفزب حتخش الفترة الجاية بشكل رسمي تقلقوش

▪︎وشباب تفريغات العمادي ان شاء الله حتوصلكم رسائل يوم الاثنين بالكثير

▪︎ميسي أعلن انه انتقل للدوري الأمريكي

▪︎الأسواق انتعشت مع رواتب السلطة ..بس والله الهم والديون كبيرة

▪︎بالنسبة لموضوع معبر رفح انه حيتفح 24 ساعة فش مصدر رسمي حكى هذا الكلام ..يعني عالفاضي

▪︎رواتب حكومة غزة لسة فش إلها علوم لكن التوقعات انها حتكون بعد 15-6

▪︎تصريحات نارية لمرتضى منصور ..بده يسمي مبنى بالزمالك ع اسم البطل محمد صلا.ح

▪︎ابن #أبو_فؤاد الصغير شرد مبارح مع خالته عالنصيرات عشان وصله علوم انه مش ناجح إلا بالرسم والعلوم عشان الاستاذ نسيبهم وسلكه تسليك

-هذه رسالة لأي حد قادر يساعد بعلاج عقم لراجل وست نفسهم بالخلفة من 16 سنة وان شاء الله أمورهم تعدي ع خير..

#صباح_الخير لأحمد وجبريل ومعاذ وتامر وبتول وهند و سما وتميم ومحمد وبنت أم خالد وسحر وبسنت وكل حبايبنا بالتوجيهي ..ربنا يفرح قلوبهم وقلوب أهاليهم

#صباح_الخير لمراقبين الإمتحانات إللي بيتعاملوا بالموضوع بضمير مش بتخويف وترهيب الطلاب

#صباح_الخير لكل أم بتنامش الليل وهيا بتدعي لأولادها من قلبها ..الله لا يردلهم دعوة بجاه حبيبك النبي

#يسعد_صباحكم بكل الخير
الخميس 8-6-2023

آلجنّيـــــة ,فلسطينية بهواها معجبون بهذا