ههل تتمنى أنن تككونن مششرفف ففي منتدآنآ ؟ ')
الاشراف حلو لمن انت معك وقت تقعد قبال المنتدى، مش طبيعي تصير مشرف واساسا معندكش وقت،
انا سبق وجربت الاشراف، متل مابقولوا دايما في اول مره، انا جربت واكتشفت إنه لازم كتير ياخد من وقتي،
فا قررت وقتا يشيلوا الاشراف عني بعد شي فتره، ويحطوا محلي عضو ثاني بستحق. هالحكي فالمنتدى يللي كان قبل هذا.
اما حاليا؟ مش رغبانه بهيك اشي. لإنه معنديش وقت الصراحه.
قسسمم حآبب تكونن مشرف عليهه ؟
إذا شي يوم تغيرت احوالي وصرت افوت كتير عالمنتدى، ممكن اختار اكون مشرفه ع قسم النقاش، طبعا هذا اذا صرت مشرفه وقتها.
مينن من الآدآرينن عآجبكك توآصصلو و بضضل ع تفآعل ففي موآضضيعكك ؟
هل كان حبا دايما بيشارك ودايما موجود. يمكن في كتير من الاداره بس اول اسم خطر ببالي، ويمكن لإني دايما بشوفه اون لاين بأغلب الاوقات.
موضوعع نققل لـ مككرر ئلكك أو ححذف و سستغربتت ؟
لاء بستغربش، بالنهاي هاي شغلتون للإداره والمراقبين،
عالعموم ولا بعمري حطيت مواضيع منقوله لا هون ولا باللي قبلو، مواضيعي دايما من عقلي.
قيم نفسك كعضووو في المنتدى بحضورك وتواجدك بالمنتدى بـ ممتاز او جيد او مقبول ؟
غيري هني اللي بقيموني مش انا اللي بقيّم حالي !
سؤال توجهه
لـ هل كآنن حبـآإ و مؤمنن؟
بدي اسألون 6 اسئله للتنيناتون،
الاسئله ،
1)"التقاييم" بتنقرأ، هي كفكره مش غلط لإنكوا هيك بتحموا المنتدى من اي حدا بيجرب يخرب المنتدى،
بس من ناحه ثاني هون صار في تدخل بالخصوصيات، ولا شو رايكوا؟
انا بعرف وانه من المفروض التقاييم تكون فقط للمواضيع، موضوع عاجبك ابعث تقييم،
بس لمن اي حدا بقى ببعث للثاني تقييم اللي فيو حكي عادي ع سبيل المثال، بسالو عن احوالو، بهالحاله بدو يضطر انه يجاوبه ويرد عليه بتقييم برضه مثل ما هو عمل،
انتوا هون بهالحاله ليش لحتى تعرفوا عن ايش عم بحكوا هذول الثنين؟ مش من حقكوا تعرفوا هالخصوصيات، يمكن يكون في كلام خاص،
مع كل إحترامي إلكوا ولكن هذا تصرف غير مقبول، بس بقدرش انكر السبب اللي ممكن يكون مقنع لحد ما يلي خلاكوا تعملوا هيك خاصيه،
بس انا شخصيا لو كنت مديره كنت مستحيل اعمل هيك لإنه رح اعتبر حالي بلا زوق وقد اقرا تقاييم الاعضاء بين بعضون ! عالعموم متزعلوش مني ومن سؤالي، بتضلها وجهة نظري اللي مقتنعه فيها،
2)بتقدر تقعد تدير المنتدى بدون مؤمن / هل كان حبا؟ اه ولا لاء، وليه؟
3) الفضل بيرجع لمين بتقدم المنتدى؟ لهل كان حبا ولا لمؤمن؟ وليه؟
4)لو يرجع الزمن لورا كنت بتاخد نفس القرار وتجرب عالم المنتدى وتصير مدير مثل ما انت حاليا؟ ولا كنت بتفضل تكون مجرد عضو؟ ولا كنت بتفوتش عالمنتديات نهائي، وليه؟
5)برأيك تجاربك الشخصيه مع الاعضاء وعلاقاتك الشخصيه فيون بتأثر ع مشاركاتك فالمنتدى؟
6)كيف بتحاول إنو تجاربك الشخصيه او معرفتك الشخصيه فيون ما يأثروش ع مشاركاتك فالمنتدى، او ع ادائك كمدير؟
ع سبيل صار سوء تفاهم بينك وبين شخص ومتوصلتوش لحل، وصدفه انوجدت معه بنفس الموضوع، شو بتكون ردة فعلك، المقصود ممكن تكون مش طايقو مثلا،
فكيف بتحاول تفرق بين هالشغلتين، انك تكون مدير بس بنفس الوقت متخليش حياتك الشخصيه مع الاعضاء تأثر ع مشاركاتك هون.
لـ ططآققم الأدارهه ؟
دايما اعملوا يللي بتلاقوه مناسب، بشرط بدون تسرّع بإتخاذ اي قرار لحتى ما يصير في ظلم ..
لـ عضضو ممعينن ؟ ')
معنديش ولا سؤال الصراحه.
ننوش بشكرك ع استضافتك لإلي فهالموضوع،
وبتمنى يجاوبوا هل كان ومؤمن ع اسئلتي،
اعمليلون منشن لإني بعرفش اعمل هالطريقه.
شكرا ع اجوبتون سلف ويعطيون العافي.
آخر 10 مواضيع
العرض الشجري