[ أآخخببآارر ععلى آاللررييقق ]

#أخبار_عالريق 481 يوم
✅يكتبها/سعيد الطويل
■نشرة اليوم أخبارها حتلاقوها ملخبطة شوية وأصلا أول يوم أكتبها يوم السبت من أشهر.
■الناس اللي راحوا عالبحر انحسدوا مبارح من كثرهم ،ربنا يهنيهم ويسعدهم ونبطل نشوف في وسع عالشط نحط رجلينا .
■في تلت حالات غرق مبارح في بحر رفح منهم بنت صغيرة توفت اسمها مرح أبو لباد جاية زيارة ع قرايبها من غزة ع رفح ،الله يكون بعون أهلها وحدانيتهم .
■في كمان بنت صغيرة من النصيرات مبارح ماتت بعد ما وقعت قبل كم يوم من فوق عمارة،ربنا يصبر أهلها.
■مبارح أهلنا بنابلس جبل النار شيعوا البطل زكريا حمايل إللي قتلوه اليهو د بدم بارد ،وحرقوا دم أهله الله يصبرهم.
■الجامعة الاسلامية اليوم حترجع تدوام ثاني بعد الكور ونا.
■مبارح كان مهرجان 7 .ما س برفح واليوم في مهرجان لل.7 ها د بالكتيبة .
■احتمال كبير وزير المخابرات المصري عباس زكي يزور غزة بنص هذا الأسبوع.
■المهم قطر بتقول انه الرئيس السيسي شرعي وأصيل وحيكون بينا تعاون كبير لقدام ،طيب من الأول يا عمي بدل كل هالزوبعة.
■اشتية حياخذ وفد عشان يروحوا يلموا المصاري إللي انجمعت لغزة عشان الاعمار من أول وجديد.
■اليهو د بيقولوا بدهم يصيروا يدخلوا المنحة تبع قطر من خلال السلطة ،ع كلامهم.
■رواتب السلطة احتمال كبير تكون يوم الخميس الجاي ؛ويحكون بنفس النسبة متغيرتش.
■مصر داخل بكل قوتها عشان تعمل تهدئة طويلة وتحاول تنجز صفقة للأسر ى.
■الوضع حيخرب مع أبو مازن لو ضل فش تنسيق بينه وبين الفصايل إللي بغزة.
■كواز الذرة الصفرا الاطنعش بعشرة شيكل .
■رطل اللمون بخمسة شيكل بس ،وسبعة كيلو بطيخ بعشر شواكل .
■لسة في أخبار عن تكملة الشيكات تبعت الشؤون لهلحين.

#صباح_الخير لكل عيلة راحت عالبحر مبارح ،لمت حالها وأخذت سندوتشاتها وأكلها وشربها ،وقطعوا المرتديلا وعلبة الفتيا ودفنوا البطيخة بالرمل الساقع ورموا كل همومهم قبل ما يطلعوا بالسيارة وحاولوا يصنعوا شوية سعادة غصب عن كل الظروف .

#يسعد_صباحكم 🌹
السبت 26/5/2021

باايي

يسعد صباحك ننوش
وشكرا لالك ع المتابعة
ود وورد

يعطيك العافية علي الاخبار
تحياتي

مشكورة ع الأخبار

♡

الله يصبر اهل اللي ماتوا ويعدل هالاخبار وهالحيااة
يعطيك العافية ..

■كواز الذرة الصفرا الاطنعش بعشرة شيكل .

هاد اهم خبر هههه
الله يهون

تسلمي قلبي لنقل والمتابعه
ماننحرم

كل الشكر و التقدير

	السلام عليكم ورحمة الله وبركاته يسلمووووا يا عسل ع النشرة الاخبارية المنوعة يعطيكِ الف عافية بانتظار جديدك دائما تحيتي