قصة السلفة بفرح سلفها ، كيد النسوان ، اضحك مع قلب فلسطين ، ياأمي ع الاحراج ، نكت 2018

مبارح كان عرس أخو جوزي بالصالة..
يعني مو بس سلفي .. يعني سلفتي ... يعني كل العيون رح تكون عليها ...يعني انا رح اطلع برى .. رح اطلع طشي ..
لازم البس فستان ابيض واطفيها .. لازم اعمل ميك اب عروس .. والله ويلي اسمو الله رح اقلب حالي بالقلابة لو بدي ادفع مال قارون ..
بعت قطعة دهب من عندي بس كرمال كسر الدنيا بالصالة .. لانو جوزي من كتر مو كحتة بدو ياني اشتري فستان ابو الليرتين .. بس ياباطل حطا واطية او اطلع كوع قدام العروس ... لبست فستان شيفون اوف وايت وعليه ستراس من فوق جبتو توصاية من لبنان من عند إيلي صعب ..
وكلاش فضي عما يلمع لمع وتسريحة بتشل شلللان ..
حطيت يلي فوقي ويلي تحتي ..الميك اب يلي عملتو عند الكوافيرة مروة وقلتلا انو اليوم عرسي .. يعني بتحداكون اذا حدا عملا قبلي .. انا عملتا 😁
طلعت كشخة 😍
قعدت بين طاولات المعازيم ولا وقفت لحدا ..رافعة مناخيري لفوق .. ونافشة ريشي متل الطاووس ..واذا سلمت على حدا بسلم من رووس اصابيعي .. (شغل اكابر يابعدي 😎)
اجت العروس والعريس سوا .. العمص العروس بتجنن ..كل هاد يلي عملتو ونحتو ومابطلع شي قداما 😱
نشف الدم بعروقي ونشف ريقي ومن قهري كل شوي اشرب بالمي وبالعصير .. هييييييك لتعبو محالبي .. قلت خليني روح عالحمام فضي الخزان احسن ماااااا......
😅
سلحبت ع السريع عالحمامات وو وخلصت 😅
وعدلت المكياج .. مشان ارقص رقصة اقهر اهل العروس .. ( طبعا كنت متفقة مع الادارة عالغنية يلي لازم ارقص عليها)
غمزت الكونترول وطلعت عالبيست .. طلبت غنية ايهاب توفيق (( يا احلى منهوم ويا فرق عنهوم انتي يلي فيهوووم وهما فينهوووون ))💃
وبلشت اخلع ..💃💃💃
اول شي انتبهت عالعريس والعروس مصدووومين مفنجرين عيونون هيك 👀
العريس فتل وشو فورا ..(( قلت اكيد العرتيلة مرتو غارت وقالتلو دير وجهك 🐍))
درت عالمعازيم ونافشة ريشي متل ديك الحبش وعم ارقص واتغما واتمايع ...
الناس كلها مصدومة ... مصعوقة ... متفاجءة .. (( قلت اكيد من جمالي الفتان ))
في ناس عما تضحك فارطة و ماسكة خواصرا ((قلت اكيد عما يحكو نكتة ))
بس لاحظت ماما عما تخبط براسا 🙆
واختي عما تلطم خدودا 🙅
وحماتي غمضت عيونا 🙈
مو اتاري فستاني الشيفون من بعد ما فتت عالحمام علقان بالكيلوت من ورى 🙈
وربي كما خلقتني 🙊
يا فضيحتي 🙈
تمرمغت الهيبة بالاراضي ... الروزة اعلنت الوفاة ... كبريائي مسح البست وبلاط الصالة مسح .. اشتهيت كون طاولة ... مزهرية .. عضاضة بالصالة ...
ولا يصير يلي صار فيني هداك اليوم 😭😭
رجعنا ع البيت .. الكل عما يتهامس عليي ويضحك .. كنت حديث السهرة .. كنت سهرة الواتس عندون .. عملو كروب عالواتس للعيلة اسمو (( الفستون يلي علق بالكلسون)) 😭😭
من يومتها اعلنت انشقاقي عن الحفلات نهائيا


هههههههه
ويمكرون ويمكر الله والله خير الماكرين
ماقدرت أمسك حالي من الضحك
بعتذر ع بعض الكلمات السوقية
لكني نقلت الموضوع مثل ماهو

اولا هادا حكي
تانيا فهمت اشي
ثالثا هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه

الله يسعدك ربي زي ما فرفشتيني هههههه

تستاهل والله
على قد مكرك بتجيلك المصايب والعبر

هههههههههههههههه بتستاهل

والله صحيح من حفر حفرة لاخيه وقع فيها


يسسلمو حنو للطرح

اقتباس   المشاركة الأصلية كتبت بواسطة مُلهم اولا هادا حكي تانيا فهمت اشي ثالثا هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه الله يسعدك ربي زي ما فرفشتيني هههههه تستاهل والله على قد مكرك بتجيلك المصايب والعبر

ههههه لا مش حكي
بس من كتر ماضحكت وأنا بقرأ فيها
حبيت أضحكم معي ف نقلتها

ولك بالمثل من السعادة وأزود
كسبت فيك أجرك ضحكتك شايف :75:

نورت خالد

اقتباس   المشاركة الأصلية كتبت بواسطة خَمْر أيلول هههههههههههههههه بتستاهل والله صحيح من حفر حفرة لاخيه وقع فيها يسسلمو حنو للطرح

اه والله هههه

يسلم قلبك حبيبتي
نورتي وتدوم هالضحكة الحلوة

ههههه
مشكلة والله غيرة السلفات من بعض وكيدهم لبعض ،
يلاا اجت ع راسها بالاخير ووقعت بالجورة اللي حفرتها الها
يعطيك العافية ..

هههههه

ههههخ
كل شي حسب النوايا

ههههههه
يسلمو

اقتباس   المشاركة الأصلية كتبت بواسطة الصياد ههههه مشكلة والله غيرة السلفات من بعض وكيدهم لبعض ، يلاا اجت ع راسها بالاخير ووقعت بالجورة اللي حفرتها الها يعطيك العافية ..

اه والله الله لايبلي حدا فيها
منور محمود وتدوم عليك الابتسامة يارب

اقتباس   المشاركة الأصلية كتبت بواسطة ريتال هههههه ههههخ كل شي حسب النوايا ههههههه يسلمو

صح لسانك
ويسلم قلبك ريتال نورتي

هههههههههههههه تستاهل لئيمه

ميرسي حياتو