أخبار_عالريق

#أخبار_عالريق 1073 يوم
✅يكتبها / #سعيد_الطويل

■ عبد الفتاح وزياد والمحمدين وطارق ومعتصم ..ستة أبطال قاتلوا حتى النفس الأخير في جنين

■الأصفر كان مع الأسمر والأخضر بالنفس الطيب وبالبارودة المشتركة والهمة العالية وفش عندهم لا تراجع ولا استسلام

■عبد الفتاح بطل عمـ ـلية حوارة من نسل الأكابر والشرفاء ، زفوا للحور العين بالاجتياح

■نتنياهو بيهدد.. كل واحد حيأذينا "دمه مهد.ور" ..بلاش يطقلك عرق ..اليوم حنعلم عليك يا هامل

■صار.وخ واحد ع وجه الفجر طلع من غزة ونزل عالسياج

■الزنانة مسكتتش ولا دقيقة من يومين بتنخر نخر

■من مبارح نزلت رواتب موظفين غزة عالصراف

■بكرة ان شاء الله رواتب رام الله بالبنوك

■شيكات الشؤون فش تصريح رسمي لسة انها حتنصرف قبل رمضان

■الشؤون وزعت تقريبا على 2487 مريض في غزة 700 شيكل

■مع انه الشهر بس 28 يوم ..انولد في غزة أكثر من 3000 مولود جديد

■غزة بتهدد : " الرد قادم فش مجال"

■بيقلك 48% من موظفي الحكومة من النسوان

■توفى شب وقع من الطابق ال15 وهو شغال بالطوبار بالقدس

اليوم احنا #اجازة عشان أمي أمك ونسوانا وأخواتنا ..عشان الناظرات والمعلمات ..عشان المهندسة الجدعة والمحامية إللي قد حالها ...
لنتذكر الدكتورة إللي ماخذة شيفت ليل بالمستشفى وللممرضة إللي سهرانة طول الليل ...للصحفية زمليتنا بالميدان..
ولأم الشـ ـهيد والأسير ..عشان بياعة البقدونس والفجل إللي بتلقط رزق صغراها وحتى نجبر بخاطر مريضة بتاخذ جرعة كيماوي بدون مرافق وبتتحمل الوجع والقهر والمرض ..

عشان #يوم_المرأة_العالمي
كل عام وكل نسوان البلد بكل الخير
وملناش بركة غيركم يا عمي بس شوية النكد تخف شوية ويخلف عليكم 🙂

#صباح_الخير
الأربعاء 8-3-2023