أخبار_عالريق سنة وسبعة وعشرين يوم

#أخبار_عالريق سنة وسبعة وعشرين يوم
✅بكتبها/سعيد الطويل
■يوم جديد بنشاط وهمة قوية يارب يكون مليان خير وسعادة ورزق لكل مهموم أو مفلس أو مكلوم.
■مبارح صحينا على انفجار بيت حانون العرضي والخمسطعشر اصابة ونمنا ع تصريحات جماعة الانتخابات.
■قطر بدها تخلي منحتها تلاتنين مليون دولار بدل الخمسة وعشرين وحتتجدد كمان سنة كاملة.
■احتمال المصاري تدخل مع العمادي نفسه لما يجي يفتتح سفارتهم بغزة آخر هذا الشهر .
■اليوم اجتماع مهم للجنة المركزية لفتح عشان موضوع الانتخابات .
■يوم الخميس الجاي حيكون آخر يوم بالقراية لطلاب الوكالة هذا الفصل.
■بدهم يفتتحوا الأسبوعين الجايات قسم للولادة بمستشفى الشفا ،مكون من سبع طوابق.
■للعلم بس احنا برفح من ست سنين بنقول رفح بدها مستشفى ومحدش عبرنا.
■بيقلك السلالة الجديدة من الكو.رونا وصولها لعندنا بس مسألة وقت ، واعراضها بتفرقش عن الأولى بس بتنتشر بشكل أسرع.
■تصاوب مبارح زميلنا الصحفي حمزة الحطاب اصابة متوسطة مبارح بعد ما طبشوه المستوطنين بالخليل.

■عدنان المجلي ملوش لا حس ولا خبر بقصة الانتخابات يا خسارة مصاريك اللي دفعتها يا باشا.
■مصر بدها تبلش اليوم بالتطعيم ضد الكو.ورنا.
■وزير العمل بيقلك انه لازم يكون الحد الأدنى لراتب العامل بغزة او بالضفة 1950 شيكل ،أقل حاجة هيك يكون ،يا معالي الوزير في عمال بياخذوا خمسة شيكل باليوم وخليها على الله.
■الشؤون الاجتماعية بتحكي انها رجعت شيكات 360 عيلة انقطعت من الشؤون.
■في 700 شيكل جديدة من صندوق وقفة عز حتتوزع بغزة الأيام الجاية.
■الصحة برام الله بتقول انه الناس بطلت ترضى تفحص وتعمل مسحات ومنشفين ريقنا.
■الصحة بغزة بتأكد انه انخفضت نسبة الاصابة بالكو.رونا ،طبعا حتنزل النسبة مهوا فش مسحات جديدة.
■فش عروض جديدة بالبلد الا ع أغراض النابلسية وكم نوع بسكوت مش زاكي.
■بيقلك جاي منفخض مش قليل آخر هذا الأسبوع.