يوم الجمعه..

يوم الجمعة الكل بصحى يتصيّد للثاني غلطة 😂
واذا وقع منك فنجان القهوه ، اخوك بقولك والله كنت حاسس!
والثاني بقولك والله من اول ممسكتها كنت عارف!

وامك بتقولك ما لقيت توقع القهوه الا عالسجاده الجديده!
مع انها السجاده موديل ٩٢ ، يما مش جديده!

بتقوم تمسح القهوه ، بتجيب ممسحة!
اختك بتقول : شوفي يما بدو يمسحها بالممسحة الجديده!
امك بتقول رجعها هاي للغاز!
بتجيب غيرها بتقولك ولك مش هاي! هاي للأرض!!!

طب يما الحس القهوه احسن!
اخوك بقول انتا شكلك صاحي رايق؟!

ف امك بتقوم ، بتخلي الكل يقوم عن السجاده ، وبتشيل الكنابايات ، وبتشيل السجاده تغسلها! طب يما ليش 😳
كلها شفّة قهوه ، يعني لو نملتين تجمعو عليها بشفطوهم!

بنط اخوك يقول شوف خلى امه تقوم تغسل سجاد يوم الجمعة!
والثاني بقول يا رجل نكدت علينا هسا بقلب يوم غسيل!

بتقوم انتا تروح عالغرفه تختصر المشاكل!
بنط ابوك يقول وين رايح شو مش معبيين عينك!

بتضل قاعد ، بقولولك طب عالقليله قوم ساعد امك بالسجاده!
بتقوم ، بتلاقي امك بتبكي وهي بتفرك بالسجاده ، بتعرفش ليش! طب يما ليش بتبكي! هو انتي بتغسلي ب ابن خالتي!!

بتيجي بدك تمسك معها بتقولك روح من وجهي اتركوني بحالي ، ولك ما بلحق اقعد ساعة بهالبيت!

والله ما تلاقوني الا طالعه وما حدا يعرف وين انا!

بنادو عليك بقولولك تعال هو انتا رحت تنكد ع امك!
طب منتو قلتولي روح ساعدها!
طب شو اعمل!!!

بنط اخوك الثاني يقولك اسمع ، تنكدش علينا اليوم الجمعة!

انتا بتوقف صافن مش عارف شو تعمل ، بتصير تفكر قديش انتا عاطل وعاق ومش منيح ، وبنفس الوقت مش عارف شو تعمل!

#طب_والله_كنت_حاسس
#الجمعة_الاردنية
عمر زوربا