أخبار ع الريق !

أخبار_عالريق 85
✅يكتبها/سعيد الطويل
■النهار بلش يطول شوي شوي والجو بيتعدل للأفضل ان شاء الله ،بس برضه في منخفض جاي هاليومين.
■فتح و7ماس بموضوع صفقة القرن وزيارة المنظمة كل واحد كبر راسه و الي بده الثاني بيتصل عليه.
■اليهود وسعولنا مساحة الصيد ل 15 ميل " بلاقافية" وكل التصاريح الي وقفوها حيمشوها.
■مصر بلشت تنبي جدار بينا وبينها عالحدود برفح ارتفاعه 6 متر بطول 14 كيلو.
■الجاج اليوم الكليو ب8شيكل والي بده يعمل مندي يوديه بدري وع كل بتدفع جاجة 3شيكل وبتاخذها جاهزة .
■الكلمنتينا الها يومين مدخلتش عالبلد.
■افتتحوا بغزة قبل يومين معرض لعالم القهوة لسة بيصير لأول مرة .
■المفتول اليوم حيكون عزومة الخاطبين الجداد عند نسايبهم الي ع حظهم ضل الجو قالب منخفضات.
■دباديب عيد الحب الحمر أقل من كل سنة ،والضغط السنة عالعطور زي الفل.
■ بالكورة يوفنتوس تعادل مع ميلان
وكل فريق حط قون بالثاني .
■الوكالة بتقلك انها حتقلص شوية من مشاريعها عشان معهاش ضل مصاري.
■شركة الاتصالات نزلت أرباحها عن السنة الي فاتت حوالي 3مليون دولار .
■فيديو خطوبة وليد مقداد تبع طيور الجنة جاب 10 مليون مشاهدة بيومين.
■مات فايروس كورونا بالصين مبارح بس فوق ال120بني آدم ،الله يبعد شره عنا وعنكم.
■الخيار والبندورة الأربعة كيلو بمية والبطاطا البلديةال 8 كيلو بمية.
■كالعادة اسرائيل قصفت سوريا الليلة الي فاتت وسوريا احتفظت بحق الرد.
■الكناين اليوم عليهم غسيل الحرامات الخفيفة وتكتكة السجاد الجو ما شاء الله مشمس.
■افطروا مناقيش بزعتر بدل الشعيرية بسكر ازكى لانه الشعيرية بدها سقعة.
■احتمال تكون زيارت سريعة للبنات المتجوزات بعد العصر خاصة انه النهار طول شوية.

#صباح_الخير للناس الي فش عندها اجازة اليوم.
-صباح الخير للدكتور والشرطي والممرض وعامل المخبز وبياع الكنافة السخنة.
-صباح الخير لكل أب صحي يقرأ قرآن عالصبح وجنبه كاسة الشاي والقرشلة.
-صباح الخير لكل ست حامل رغم وجعها بتصحى تجهز الفطور للعيلة.
-صباح الخير للأخت الكبيرة الي شايلة شغل البيت شيل.
-صباح الخير للحجة الكبيرة الي قاعدة قدام دارها بتتشمس عالصبح.
صباح الخير للناس الي اشتغلت طول الأسبوع عشان تقدر توفر حق طبخة العيلة.

اخبار متنوعه

ربي يكون مع سوريا ويحميهم من العدوان الاسرائيلي
اما الجدار الي بتسويه مصر اشمعنى يعني ترى البلدان لازم توقف مع بعضها !!!!
ربي يعم الامان على الجميع بلااستثناء
صرت اتمنى اقوم من نومتي والقى كلشي انتهى ويرجع كل مغترب لوطنه ويعيش باامان
بس الله كريم
😓

شكرا لنقل حبيبتي

مسا القلوب الجميلة لـ ناس جميلة
يسلمو وتر❥
الله يبعتلك ايام حلوة
و
سنين احلى

افتتحوا بغزة قبل يومين معرض لعالم القهوة لسة بيصير لأول مرة .

اللى جاى احله لسه
الله بيعين
عوافى بسمة

يعطيك العافيه علي الموجز الاخباري

تحياتي

يسلمو وتر ع الاخبار
وعوافي ع جهودك

هههههههه
مع اني ما بتابع الا اخبار الكورة
بس لو يقوموا بهيك نشرة بنتابع هههههه
شكرا الك

■فيديو خطوبة وليد مقداد تبع طيور الجنة جاب 10 مليون مشاهدة بيومين.

كله كوم وهالخبر كوم
جد جد ناس فاضيه وتافهه
يسلمو للاخبار الحلوه وتر
عوافي

تخيلي اخطب والاقي عزومتي مفتول
ما بعرف حينتها شو اعمل

تشكراتي

شكرًا لحضوركم.