معاناتي مع القطايف الليلة 😂💔

هآي كيفكم .؟ 🙋🏻‍♀️

بما انو احنا اهل القطايف ، قلت اصورلكم ههههه
صراحة من اول رمضان و انا باكله جاهز عند اهلي
بس اليوم قلت اتغلب و اعمله انا عيب تقلنا ع الناس

المهم بما اني رح اجهزه انا ، قلت نجيب صنية بلآش حبات صغيرة
و يا ريتني ما جبت ههههه كتير غلبةةة 😐

طبعاً نحنا بناكله بحشوة جبنة و جوز بس
قصص النوتيلا و القشطة و جوز الهند و هالأشياء ما بناكلهم
مرة عملته بفستق حلبي و برضو ما حبيناه

المهم نبلش ، بعرف بحكي كتير 🤦🏻‍♀️

اول شي حمصت الجوز و جهزته مع شوية سكر و قرفة










و هون فرمت الجبنة بالشوكةة و جهزتها




هلأ بلشت شغل فيه و حشيته





قفلته منيح عشان ما يفتح بالشوي




و هيك صار جاهز




طبعاً دوبت السمنة البلدية بالصنية و حطيت الحبة و قلبتها
و التانية نفس الشي ، حتى توصل السمنة لكل اطراف الحبة





بعد الشوي بالفرن ، سكبت عليه القطر و استنيت شوي حتى كلها تتنقع فيه
اهم شي بالقطايف يكون هو سخن و القطر بارد
هاي نقطة مهمة بتحضيره
لأنه ازا الجهتين سخنين بتفتفت القطايف
و ازا باردين مش رح يشرب القطر
و مش زاكي ههههه 🚶🏻‍♀️




و بس هيكك 💙

اقتلوهاااا هههههه عشقي القطااايف
بس انا بحب اقلي القطايف بحبوش عالفرن أو الطنجره
بتشهي والله حبي يسلم ايديكي يقلبي

اقتباس   المشاركة الأصلية كتبت بواسطة حيآة آلروح اقتلوهاااا هههههه عشقي القطااايف بس انا بحب اقلي القطايف بحبوش عالفرن أو الطنجره بتشهي والله حبي يسلم ايديكي يقلبي

جربته مرة قلي و ما حبيته هههه
و انا بحب القطايف كتير
بس هاي تغلبت فيها ، دايماً بعمل الحب الصغير و هاي جاهزة باكلها
الله يسلمك ،يا ريتك معنا
نورتِ

القطايف شغل ايديكي ولا جاهز
بس الحشوة من عندك
.صحتين وعافية
سلمت الانامل

اقتباس   المشاركة الأصلية كتبت بواسطة typical القطايف شغل ايديكي ولا جاهز بس الحشوة من عندك .صحتين وعافية سلمت الانامل

ههههههه لا طبعاً شو شغل ايدي
كله جاهز هو و حشوته
لسا كان رح يوصلني محشي كمان بلاش اتغلب
بس يلا معلش كانت تجربة حلوة هههه
الله يسلمك
نورت

اقتباس   المشاركة الأصلية كتبت بواسطة البريئة ! ههههههه لا طبعاً شو شغل ايدي كله جاهز هو و حشوته لسا كان رح يوصلني محشي كمان بلاش اتغلب بس يلا معلش كانت تجربة حلوة هههه الله يسلمك نورت

ما دامو جاهز وين معاناتك فيه
نسوان اخر زمن

اقتباس   المشاركة الأصلية كتبت بواسطة typical ما دامو جاهز وين معاناتك فيه نسوان اخر زمن

انت متخيل كيف قلبتها و حشيتها و حطيت عليها قطر
كله هاااد معاناة و الله ههههه
انا متعودة ع الصغير بعمله عادي
بس هاي غلبةةة

بصراحة مش مغرم فيه ولكن بيجي ببالي احيانا
بس م باكلو كتير
بس هالصور شهوني القطايف كتير
معلمة ام الامير
وصحة وعافية

اقتباس   المشاركة الأصلية كتبت بواسطة jr7 بصراحة مش مغرم فيه ولكن بيجي ببالي احيانا بس م باكلو كتير بس هالصور شهوني القطايف كتير معلمة ام الامير وصحة وعافية

لا و الله زاكي ازا انعمل صح
الله يسعدك خلص اليوم جيب و اعمل هههه
على قلبك ، نورت

والله وبتشرح قال يعني زابط معها
وزي إللي عنجد ههه ، آخ يما تعي ميناس
بعيدن إنتو فاهمين شغل القطايف غلط يابنتي حبة
القطايف بتتاكل على بُئ مرة وحد وإزا بدُو
يعمل فليهآ فآفي بياكلهآ على مرتين مش زي
قطايفكو بدو اتنين ازلام يشيله الحبة هههه
لو بعلم كان بعتلك من ابو حبة صغيرة زي اللي عنا
عشان تتدربي عليهم ، ههه حرام عليكي كسرتي الزلمة
يخسارة مصاريك يبو الأمير هههه
رآحت فلوسك يا صابر