أخبار_عالريق

#أخبار_عالريق 1183 يوم
✅️يكتبها / #سعيد_الطويل

▪︎ايش بدك من بلد صارت فيها المانجا أرخص من البندورة ..الوضع مشقلب يبو تيسير

▪︎العمادي وصل غزة بعد نص الليل ..شكلها الأمور فيها لحلحلة

▪︎سواق الغولف إللي دق ع صدره وقال في حرب حتصير يوم الأربع إللي فات ،هو نفسه إللي طلعت معاه كان يفتي انهم باعوها

▪︎شب اسـ ـتشهد بالليل بالقدس بعد ما هجموا عليه قطعان من المسـ ـتوطنين

▪︎مبارح 4 جرايم قتـ ـل كل وحدة أصعب من التانية بالداخل الـ ـمحتل

▪︎اللي خطف الشبين وصورهم قبل فترة بغزة حكموا عليه 7 سنين وغرامة 10000 شيكل

▪︎بيقلك وقف المولد الرابع ورجع اشتغل ثاني .. حد حس بالموضوع؟

▪︎شب جدع يادوب عمره 17 سنة طعـ ـن مستو.طن بالقدس واعتقلوه ..الله يفرج كربه

▪︎كذا اصابة بطوشة بين عيلتين بدير البلح وحدة منهم خطيرة

▪︎وضع الوكالة صعب وبيقلك يا دوب مسلكين حالهم وفي عجز عندهم بالهبل

▪︎لسة اليـ ـهود موقفين التصدير من غزة وخساير بالكبشات ..الله يعيين المزارعين

▪︎هل تعلم انه السواق لما يسمع باب سيارته انخبط بالقوة من وحدة زي #أم_فؤاد بيتوجع ثلاث أضعاف الست عند الولادة

عموما كل إلي سكتوا عشان المركب تمشي ، هما إلي غرقوا في الآخر ..#تخافش وتضلك لابد ويقولوا عليك هامل ..بس كمان تقعدش بالدار وتقضيها نوم وتحمل كل حاجة ع شماعة الظروف..

#الله_يجملها_بالستر
#دعواتكم
الخميس 7-9-2023 🌷