أخبار_عالريق

#أخبار_عالريق 1180 يوم
✅️يكتبها / #سعيد_الطويل

▪︎البلد حركتها صارت خفيفة فش لا قبضات ولا شيكات والمحلات صارت تسكر من العشرة

▪︎أصحاب المحلات يا دوب يقدروا يطلعوا يومية عمالهم وتكلفة ماتور الكهرب وكاسات القهوة للغلبان أبو حمدي

▪︎رواتب السلطة حتنصرف بنص هذا الأسبوع بنسبة 90% ان شاء الله

▪︎الجو حيبلش تزبط أموره ويعطينا نعنشة شوية شوية

▪︎جاية موجة شوب وحدة وبعدها والله أعلم بيخلص أحلى فصل بالسنة..خلي جماعة الشتا تكيف

▪︎ الوزارة زودت وزن ربطة الخبز بس سعرها ضل زي مهوا

▪︎تصاوب مبارح أربعطعشر شب مبارح راحوا عالحدود بموقع ملكة

▪︎شيعوا بطوباس شب جنتل اسمه عبد الرحيم غنام بعد ما قنصوه بدم بارد ..الله يصبر أهله

▪︎بنت صغيرة من غزة انهدست من شحن مية حلوة ،وهيك حوادث بدها حل جذي صراحة لانها كثرت وفش حد مدور

▪︎هذا يا معلم عاملين شاورما سمك في غزة بس بديش اكتب السعر عشان الحسد

▪︎أكبر ديلفري في قطاع غزة #نون_فلسطين انطلق مبارح باستعراض حاشد ..الله يكتبله الخير

▪︎بيقلك أسوء أنواع النسوان ..راجل بينقل كلام صاحبه وبيعمله سكرين شوت

▪︎الناس من الزهق صارت تطلع بث مباشر وهيا نايمة عالتيك توك

أصلا لما تنام وانت مبسوط ..بتكون أمك دعيالك
وأحيانا صحبة ناس بالصدفة بتخلي مودك أحسن من يوم القبضة ..
لو لقيتوا صاحب جدع ديروا بالكم عليه ..وقرقطوا فيه
لانهم صاروا قلال هالأيام

ويا #صباح_الخير بشهر جديد ويوم جديد وان شاء الله إللي جاي احسن

السبت 2-9 -2023

يعطيك العافية
لادراجك ..

مشكور للمتابعة و النقل
تحياتي لك

يسلمو امير

ججهودكك مميزهه
+ وردهةة

يعطيك الف عافيه