أخبار_عالريق

#أخبار_عالريق 1167 يوم
✅️يكتبها / #سعيد_الطويل
▪︎االه وكيلك ..صرنا ننام على شهـ ـيد ونصحى على شهـ ـيد بالضفة ،واليهـ ود مسترخصين دم أولادنا وعاملين الضفة سداح مداح بدخلتهم وطلعتهم

▪︎عالفجر استشهـ ـد شب من طولكرم اسمه محمود جراد لسة بعز شبابه

▪︎توفى رامي هيثم الفرا من #غزة بعد ما وقع عليه صارو.خ عليه في #روسيا....نصيبه يموت بهديك البلاد

▪︎جاية موجة حر مشفناش زيها قبل هيك بالمرة ..الله يجيرنا منها

▪︎متسبحوش بالبحر من هان لنص الاسبوع الجاي ..الموج عالي والتيارات قوية وديروا بالكم ع أولادكم و انتوا حرين تسمعوش كلام نسوانكم

▪︎أبو مازن طيَّر دستة محافظين كاملة وحولهم عالتقاعد وهما لسة بعز شبابهم .

▪︎المحافظين مش عاجبهم القرار ومولعة معاهم وبيقلك لسة مخذناش فرصتنا بالمنصب

▪︎احتمال كبير الفترة الجاية يشكلوا حكومة جديدة لنج فيها ناس عندهم خبرة وحيغيروا كل الورزاء إلا ثلاثة أكيد عارفينهم

▪︎سلطة الطاقة بتقول انه حركة (حم،،،،،) مانعة تحويل محطة الكهرب انها تشتغل عالغاز

▪︎بدهم يعملوا حديقة فخمة جديدة ع كورنيش الشيخ عجلين وناويين يوسعوا ويزبطوا مفترق الشجاعية الفترة الجاية

▪︎الجاج بتسع شواكل الكيلو واللحمة الناس بتشرد منها من سعرها الغالي

▪︎العنب زي العسل الكيلو بست شواكل والتين تقريبا نفس السعر ..

▪︎مشكلة الشواحن إللي بتخرب وفردات الجرابين إللي بتضيع ..من أهم مشاكل الكوكب إللي ملهاش حل

▪︎الرجل الصالح بيسلط المروحة على مرته طول الليل وهو بينام شوبان حتى لو عرقه صار مية..ولو طلبت منه مية ساقعة بيتأخرش عنها ..
يختي لو صار معك هيك ..اعرفي انه جوزك عامله عملة ..خاصة لو كان جايبله حبة اسمكوا بايده وهو مروح بالليل أو علبة كولا كلوب
نصيحة من فاعل خير #ابو_فؤاد

-بدنا أغراض مولود لطفلة عمرها شهر أبوها تارك البيت ومش متعرف عليهم وكمان لو حد عنده ثلاجة مستخدمة أو يدبر مساهمة الها بيجبر خاطر هالعيلة

#أحسن حاجة تبدا فيهم يوم #الجمعة ..الصلاة عالنبي محمد صلى الله عليه وسلم

ممتابعةة ححلوهه ")
+ وردهةة

شكراااا لحسن المتابعة

تحياتي

يسلمو امير