أخبار_عالريق

#أخبار_عالريق 1110
✅️يكتبها / #سعيد_الطويل

▪︎اليوم الجو شوب للعصر بعد هيك حتنزل درجات الحرارة فوق الخمسطعشر درجة هذا ع كلام الأرصاد والجو حيقلب سقعة ومنخفض بعز شهر خمسة

▪︎نابلس ودعت مبارح 3 فرسان ووردة بجنازة مهيبة بترفع الراس

▪︎بيقولوا لسة في تفاوض انهم يحرروا جثمان الشيخ خضر عشان يشيعوه في جنين الأيام الجاية ..

▪︎يوم الأحد بدهم يوزعوا أرقام الجلوس على طلاب التوجيهي وربنا يكتبلهم التوفيق

▪︎الوكالة ضافت 30 ألف اسم جديد للكبونات في الدفعة الجديدة

▪︎الشؤون الاجتماعية موقفة مشروع القسايم الشرائية إللي كان بيستفيد منها ناس غلابا وملطمين

▪︎ممنوع السباحة في البحر اليوم وبكرة لانه فش منفذين

▪︎حمدان أبو طعيمة من خانيونس تحرر مبارح من السجن بعد 15 سنة هرب نطفة طلع لقي ابنه ما شاء الله طوله

▪︎هذا الأسبوع حتنصرف فيه الرواتب ان شاء الله وتنفتح دبورة الديون من أول وجديد

▪︎دراسة جديدة لنج بتأكد انه الموظف بيستنى إجازته استني عشان يضل قاعد بالدار بوجه مرته ويرتاح نفسياً من ضغط الشغل

▪︎حاولوا تخففوا زيارات للناس إللي عندهم توجيهي والله ظروفهم بتكونش مهيئة هذه الفترة انهم يستقبلوا حدا

يسسللمووو للممتابعةة ")
وردهة

يعطيك العافية
كل الشكر..

يسلمو ع المتابعة و النقل
تحياتي

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

شكراااا ع حسن المتابعة