العميل او الجاسوس ومايستحق..!؟

سؤالي من موقف صار امبارح بنابلس.
مسكو شاب عميل لليهود .
كان العميل ع كل خبريه يجيبها عن المقاومين يعطوه اليهود عليها بكيت دخان او ٥٠٠ شيكل.
هلا انمسك العميل وعلقوه ع باب ساحه في المدينه حتى يكون عيرة.
هلا سؤالي. الي عملوه المقاومين صح بتمثيل بجثته..!؟

طيب مش ربنا امر بستر ليش ينشرو اسمه واسم عائلتو ويفضحوهم وهما اكيد مابعرفو عن ابنهم اشي. يعني العيله كلها ادمرت بسبب فعل ابنهم... !؟

طيب الجاسوس مابنولد هيك.. في عوامل خلته هيك..!؟ من اسقاط..
ثانيا كان هو زبال يعني محتاج فلوس عمره ٢١ سنه..
انا مش متعاطفه معاه. بس لو انو الناس بتفقد بعض وبتساعد بعض وبتربي اولادها منيح وعلى الاسلام ومخافه الله وحب البلد كان ماصار هبك..
انتو شوبتحكو على مين الحق بلي بنحرفو وبصيرو هييك.. !؟

دخلت صفحته عالفيس
هو ما هان عليه انه يكتب في الشهداء كلامزحزن وتعاطف مع نابلس وشهداىها وهو سبب قتلهم
هو ما حس ولا مرة انه الشباب الي استشهدت بسببه عشان كروز دخان و٥٠٠ شيكل الهم احباب وعوائل وشعب حزن ودمع لفقدهم
اول طلعت كتاىب كانت هالطريق انتهج ليكون عبرة لكل من اعتبر
شوي شوي غزة صارت الها مؤسسات وبالطرق القانونية بتم تصفية العميل
لكن الضفة وضعها بختلف لانه حتى السلطة بتتعاون مع الاحتلال
فهي طريقة وان كانت قاسية لكن هتكون عبرة لكل من سولت نفسه
ووصول المقاومة بنابلس وخاصة عرين الاسود لهيك قرارا او وصولها لهيك عميل
بدل على يقظتم وتطورهم النوعي والدائم

والله يخلصنا من العملاء اللي ما فكروا باهلم ليجيبوا الهم العار

الله يكون بعون اهلم وين يودوا وجههم الحين بين الناس
وان شاء الله اهل نابلس يكون على قد الفهم بان لا تزر وازرة وزر اخرى

الايام هادي واللي حصل رجعنا لايام فقدناها من التسعينات

سلمتي

هما اسقطوه ع شي بيقزز
وما اشتغل معهم بدافع الفلوس
او عشان محتاج وانا مع اعدامه لانه خارج عن الدين واعان العدو ع ولاد شعبه
وقصه اعدامه ليكون عبره لغيره
بخصوص اهله هما ما الهم ذنب في الي عمله ابنهم بس مجتمعنا خلص م بيعرف
وما بيرحم

شكرا الك ع الطرح

عاش كافر وما ت خاين
عوافي سكون

هلا سؤالي. الي عملوه المقاومين صح بتمثيل بجثته..!؟
اه صح و اقل واجب

طيب مش ربنا امر بستر ليش ينشرو اسمه واسم عائلتو ويفضحوهم وهما اكيد مابعرفو عن ابنهم اشي. يعني العيله كلها ادمرت بسبب فعل ابنهم... !؟
العيلة ملهاش ذنب بأفعاله و المفروض حتى بعد قتله تم البراءة منه ليوم الدين

التستر بكون على واحد لسا عايش و ممكن يتوب بيوم من الأيام
مش على خاين متل هاد

تخيلي نتستر على واحد يهودي انه كافر !


طيب الجاسوس مابنولد هيك.. في عوامل خلته هيك..!؟ من اسقاط..
صحيح هو بقول انه عميلة اسقاط
بس بقدر يقتل حاله و لا يخبر عن شباب بجاهدوا في سبيل الله

بس يعني ازا ابتزوه بعملية اسقاط هاد فش عنده شرف
حتى يضحي بحاله و لا يضر اولاد بلده الشرفاء الأحرار


ثانيا كان هو زبال يعني محتاج فلوس عمره ٢١ سنه..
شوفي فش عاقل بقتنع انه كان محتاج فلوس
و الله بشحد و لا بشتغل جاسوس ..



انا مش متعاطفه معاه. بس لو انو الناس بتفقد بعض وبتساعد بعض وبتربي اولادها منيح وعلى الاسلام ومخافه الله وحب البلد كان ماصار هبك..
و الله ي سكون الفقراء اشرف من الاغنياء
و عندهم عزة نفس و نخوة و ما بعملوا اللي عمله هالحيوان

بس مع هيك مش غلط الناس يفقدوا بعض


انتو شوبتحكو على مين الحق بلي بنحرفو وبصيرو هييك.. !؟
الحق ع الشخص نفسه لأنه ربنا خلقلنا عقول نفكر فيها و نفرق بين الصح و الغلط


حبيت الأسئلة و الموضوع
يسعدكك سكون
تحياتي

والله ما في أي مبرر للعمالة ولا في أي مجال للتعاطف مع العميل
حتى لو بلده دمرته الأمر ديني وعقائدي قبل ما يكون وطني

بخصوص القتل هذه جزائه وهذه نهايته الي لازم تكون
لكن انا ضد التمثيل في الجثث
وبخصوص انهم يخبوا علشان أهله
هو لازم يكون عبرة لأي حد غيره تسول له نفسه يعمل هيك
حتى يفكر غيره ألف مرة انه الامر ما رح يكون مجرد موت ونسيان فقط
لا هذه سمعة رح تطاله وتطال أهله وأولاده لأبد الآبدين
لازم يكون رادع قوي ربما اكبر من الموت نفسه هذا الرادع

هذا رأيي
حلو نقاشك
يسعد اوقاتك

خليه يكون عبره لغيره
القاتل يقتل والتشهير هون هو للمصلحة العامه ومصلحة الشعب وللشباب
لانه رح يحميهم ويوعيهم ويكون ردع لغيره
يلي متله عم يبيع وطنه وأبناء شعبه وهيك لازم يكون جزاؤه
ضيع شباب وأبطال بعمر الورد وبشو ؟؟ 500 شيكل وبكيت دخان
ممكن هالشي يكون مؤلم وقاسي كتير ع أهله وعيلته والله يعينهم
بس كمان لا نحنا ولا أهل الشهداء بننسى يلي عمله هو ولا أمثاله والاغتيالات يلي تسبب فيها او قد اديه كانن هو وغيره سبب في تسليم مقاومين وأبطال

يسلمو حبيبتي ع النقاش الحلو
الله يسعدك يا رب

بس لو انو الناس بتفقد بعض وبتساعد بعض وبتربي اولادها منيح وعلى الاسلام ومخافه الله وحب البلد كان ماصار هبك
ما عندي شي احكيه غير انو أعلق ع هاي الجملة
وعن تجربة
الأهل بيربو أولادهم احسن ترباية بس بيطلع الله وكيلك ما يستحق يكون من العيلة و لا يستحق أبوه اللي تعب في تربايتو و لا اخواته اللي ما خاف ولا فكر فيهن

لكل بشر شيطان داخله هو اللي بيقوده لو استسلم له و بعدين الأرزاق بيد الله اللي مؤمن بربه ما بيبيع وطنه عشان سيجارة و لا شوية فلوس

لو استبدل وقته هاد ما بين شغله وعبادته لربه و رجع لربه و دعا أن الله يرزقه الله ما بيرد دعوة حداا
و بالنهاية ما بنقول غير انو الله يهديهم و حسبي الله و نعم الوكيل


عوافي سكون +يسلمو عالطرح