أخبار_عالريق

#أخبار_عالريق 1082يوم
✅يكتبها / #سعيد_الطويل

▪︎خلصنا الشتاء وخشينا بالربيع الحلو المرتب المليان طاقة وحيوية ونشاط ..بكفي انه أوله شهر رمضان الخير والبركة

▪︎أحلى حاجة انه اليوم كمان يوم الأم يعني بيتزامن مع هذا التاريخ إللي بيفتح النفس

▪︎صح الواحد بيحب أمه وبيقدرها كل يوم ..وملوش بركة غير رضاها وسعادتها بس برضه حاول تجيب حاجة اليوم تفرح فيها أمك وتسعد قلبها.. بتلاقيها قد الدنيا

▪︎في رمضان حيكون الآذان الأول للفجر قبل 60 دقيقة من الآذان الثاني ان شاء الله

▪︎النيابة بتحذر التجار من موضوع الألعاب النارية وموضوع الاحتكار

▪︎بالنسبة للتوجيهي بيقلك إللي ضايل من المنهج تقريبا 75% أو أكثر شوية

▪︎الدولار ارتفع مبارح زي الصاروخ ووصل 3.70 شيكل

▪︎الشعبية بتطالب حكومة غزة انها تتراجع عن قرار زيادة الضرايب والرسوم الجمركية

▪︎السوق لسة نايم ،فش حركة إلا على الفوانيس وزينة رمضان

▪︎صبية انقتلت بطوشة عائلية مبارح في جنين

▪︎شب توفى بحادث سيارة في رام الله

▪︎البزيلا بتشطب والفراولة الرطل بخمس شواكل واللوز الأخضر رخص شوية

▪︎آخر أعراس غزة خلصت مبارح بهذا الموسم ..بنشوفكم بعد العيد ان شاء الله

▪︎ما بدي أنكد عليكم بس عالأقل شيكات الشؤون من قبل نص رمضان للأسف

#صباح_الخير لكل أم شهـ ـيد وأسيـ ـر نفسها ابنها يخش عليها بهذا اليوم يحضنها ويبوس ايدها

#صباح_الخير لكل أم تعبت وربت وكبرت وانهد حيلها وهيا بتربي أولادها بعد وفاة أبوهم

#صباح_الخير للأم إللي بتطلع من الصبح ع شغلها عشان تكون شريكة بمصاريف الدار

#صباح_الخير للأم إللي بتصحى من الفجر تصحي وتلبس وتفطر وتحشي وتحضر عالبرنامج وتعطي المصروف وتدعي لأولادها أحسن دعوة

#صباح_الخير وربنا يجبر خاطر كل واحد محروم من أمه ..إلهي يرحمهم ويتقبلهم في عليين

#صباح_الخير يمة .. أمي إيمان أحلى حاجة بحياتي كلها ❤

الثلاثاء 21-3-2023

الله المستعان
شكراً لك

الله يفرجا عليكن

يسسلمو ع المتابعة..

يسسلموو الأمميرر
+ وردهةة

يسلمو للمتابعة و النقل
تحياتي

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي