أخبار_عالريق 956

#أخبار_عالريق 956 يوم
✅يكتبها / #سعيد_الطويل

■خلص سلمنا البلد لجماعة الشتا الناس المرهفة الحساسة إللي بتحب صوت المطرة والمشي في اللاصة والدفيات والكسل والعشا تلت أربع مرات والتحميم إللي كل أسبوع مرة ..اليوم أول أيام الخريف..

■مبارح يوم حافل بالضفة كبشة عمليات مرتبة آخرهم إللي نفذها البطل محمد أبو جمعة وصاوب فيها 8 مستوطنين

■غانتس بيقلك بدي أخلي تصاريح غزة 17000 تصريح بس بشرط تحافظوا عالسلام الأمني

■الزهــ ،ار بيحكي انه الاحـتـ لال بيتحمل المسؤولية الكاملة عن الانتهاكات بالأقصى وجر المنطقة كلها لحرب دينية مفتوحة

■فتح بتصرح انه تحقيق المصالحة ملوش علاقة بالوسيط القصة بـ "نوايا" الحركتين..زي نوايا هيفا بالزبط

■أمور حركة (ح) مع الأردن حتدحل الفترة الجاية وتصير عال العال زبط الموضوع مشعل

■موضوع تشكيل نقابة لنسب الأشراف عمل قلق بالبلد ،وبصراحة بنعتز بنسب الرسول بس ملوش لازمة كل الموضوع لانه تفسر وانفهم غلط

■بعدما كان ثالث أغنى شخص في العالم ..

■بيقلك مارك خسر أكثر من نص مصاريه خلال اطنعشر شهر بس، كانت ثروته 142 مليار وصارت 53.4 مليار..خطية تسكير حساباتنا يا معلم

■كيلو الجاج باحدعشر شيكل وسعر الفاكهة قريب من سعر الخضرة

الله يساهل عالصيف ..
المانجا والتين والعنب والخوخ والسنطروزة والطلعات والنزلات والكولا كلوب والبحر والشاليهات والذرة المسلوقة وطشات المندي وقعدة السرايا والنجمة والأعراس والنهفات والطوش عالمراوح وسفر لو قادر وعزايم وبطيخ وشوي وأسكمو بطعم الفراولة وبراد ملون وعصير جوافة ..

صيف جميل بكل تفاصيله ..
ومسامحينه بالشوب إللي شلوحنا ..

#جمعة_مباركة 🌹
وصلوا على حبيبنا محمد صلى الله عليه وسلم
23-9-2022

يسسلمموو اميرر
+ وردهةة

اللهم صل وسلم على سيدنا محمد
يعطيك العافية لادراجك

هههه مكفي شوب تعزبناا
شكرا ع الاخبار

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

يسلمو ع المتابعة و النقل
تحياتي