#أخبار_عالريق 902 يوم ✅يكتبها / #سعيد_الطويل

#أخبار_عالريق 902 يوم
✅يكتبها / #سعيد_الطويل

■نشرة اليوم خفيفة وفش فيها غلبة ودوشة كثيرة ..لو عجبتكم صبحوا علينا بتعليقكم ولايكم الحلو ..

■أول حاجة بالنسبة لحالة الفلس إللي صايرة معاكم بعد العيد طبيعية جدا ،انت مش لحالك هيك.. مشي حالك وسلّك أمورك بالموجود

■فش ولا شاليه فاضي اليوم ولا بكرة بكل قطاع غزة ،إلا لو في عيلة تقاتلت مبارح بالليل وحلفوا طلاق مهما رايحين حتاخذوا بسعر رخيص كمان

■من اليوم وطالع ممنوع ولا حفلة شباب تنعمل بالشوارع إلا بعد ترخيص من الشرطة وكمان متسكرش الشارع.

■المهم عشان متعملوش حالكم مش عارفين ..احنا خشينا بموجة كور.ونا خامسة بالبلد من إللي يحبها قلبك

■فش طبعا إلا شوية اجراءات شكلية عالخفيف لكن لو صابتكم ح ترميكم رمي ديروا بالكم منها

■كيلو التين نازل بأول طياحه الكيلو بخمسطعشر شيكل ،والمانجا تسهلت أمورها وصارت ال3 كيلو بمية

■بادين جايب معاه 500 مرافق وكبشة سيارات وطيارات و16 ألف شرطي من اسرائيل يحرسوه

■نتائج التوجيهي آخر 3 أيام بهذا الشهر بس اليوم ما تحدد حتى الآن

■الناس قاعدة بتستنا بنتيجة أوائل القطاع ونتيجة أم اللوز وابن أبو فؤاد غير هيك مش مهم كثير الموضوع عندهم..

■شب صغير بالعمر اسمه بلال غنام توفى فجأة مبارح بخانيونس

■16 اصابة بحوادث سير اليومين إللي فاتوا بالقطاع

■من باب العلم بالشيء ..خليل عواودة ورائد ريان أسيرين مضربين عن الطعام ووضعهم صار صعب عالآخر..
بس وصلوا صووتهم

■موسم العمرة الجديد حيبلش من أول شهر محرم الهجري يعني بعد أسبوعين بالكثير ان شاء الله

■اضرابات بالضفة للسواقين عشان رفع تسعيرة الأجار ،والوزارة بتقول بدل ما ترفعوا الأجار احنا حندعم السواقين

■ع ذمة الأرصاد الجو من بكرة حيقحمشنا تقحمش ،شوب ورطوبة زي أيام الكفار

#صباح_الخير للناس إللي بتصحى من نومها وهيا مليانة تفاؤل حتى لو انها مفلسة والكهرب قاطعة عندها وصوت المروحة طول الليل عامل زي الدبابة

#صباح_الخير لكل واحد بياكل حبة المانجا بدون شوكة ولا بيقشرها ولا بيقطعها ..للناس الواثقة من حالها إللي بتقف عالمجلى بتفغمها فغم وبتغسل شنبها ووجها وعنيها ويادار ما دخلت شر

#هلا_بالخميس 🌹
14-7-2022

السلام عليكم ورحمة الله وبركاته



يسلمووووا ع النشرة الاخبارية المنوعة والمتابعة



يعطيك الف عافية



بانتظار جديدك دائما






تحيتي

يسلمو الامير

تحياتي

مشكور للمتابعة و النقل
تحياتي

تسلم لنقل والمتابعه امير

يسلمو دياتك ع المتابعة
يعطيك العافية

يسسلموو الامميرر
+ وردهةة