#أخبار_عالريق

#أخبار_عالريق 664 يوم
يكتبها / #سعيد_الطويل

■الحمد لله الجو حيكون اليوم دافي وماشي حاله زي مبارح والشمس حتفرحنا بطلتها وتعطينيا شوية أمل ودفا.

■المهم المدارس للحكومة والوكالة حيضل دوامها يبلش الساعة 8 من هان لتاريخ 3-2

■توفى شب من غزة بالغربة اسمه ابراهيم جمال مهنا ارتقى بحريقة وهو بشغله باسطنبول.

■واحد دبح مرته بالناصرة ، وهذه الحالة السادسة من أول السنة بالداخل.

■توفى شب بالعشرينات من عمره ومرته وبنته الرضيعة بحالة خطيرة بعد ما انخنقنوا من دفاية غاز.

■نقلوا راجل ومرته عالمستشفى بسلفيت ووضعهم صعب عالآخر بعد ما انخنقوا بغاز الدفاية.
■اليــ ـهود رفضوا أي حد يزور ناصر ابو حميد رغم انه حالته بتتدهور

■فش لا حس ولا خبر عن الفصائل المجتمعة بالجزائر ،بكفي انه الجزائر انغلبت من اول ما خشوها.

■فوق ال120 اصابة برصاص الاحـتـ لال مبارح في نابلس

■مناشدات كثيرة بتوصلنا من تركيا لأكثر من 45 شب فلسطيني محبوس في السجن بيناشدوا كل الدنيا تتدخل عشان يرجعوهم ع غزة.

■أضرار المزارعين في هذا المنخفض بغزة وصلت لفوق المليون دولار

■العمادي وقع اتفاقية الغاز بشكل رسمي ،بس وكتيش تتنفذ ما ندري

#صباح_الخير
وبدك تعرف شغلة وحدة عالريق
انه النجاح مش سهِل
حتتغلب شوية ، حتتعثر ، حتنكسر ، حتفشَل ، حتلاقي ناس تتشمت وناس قاعدالك ع ركبة ونص ، وحتلاقي ناس بتحكي بظهرك وناس ثانية بتسندك لانها بتحبك ، بدك تعاني وتكافح عشان توصل لهدفك ، وبعد هيك ان شاء الله بيجبر خاطرك وبتحقق حلمك وأمانيك

ان شاء الله يكون يومكم حلو ومرتب ومرستك وهادي ومحدش يعكلن عليكم مودكم ..

أصبحنا وأصبح الملك لله
السبت 22-1-2022

يسعد صباحك

مشكور ع المتابعة

تسلم لنقل والمتابعه امير

يسلمو ع المتابعة
يعطيك العافيه

كل الشكر و التقدير

حلاتها هالاخبار انها بتمثل دواوين النسوان بنقل الاخبار

سلمتي

يسسلمموو الامميرر
+ مججهوددكك و لا اارووعع ♡
وردهةة

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية


بانتظار جديدك دائما



تحيتي

متابعة جيدة أخي
يعطيك ألف عافيه
ربي يسعدك

يعطيك العافية
تحياتي لك