أخبار اليوم

#أخبار_عالريق سنة وكمان 24 يوم.
✅يكتبها/سعيد الطويل
■مطرة وخير وبرق ورعد وصوا.ريخ طلعت وقصف نزل وشوية كو.ورنا،، ويارب يجعله يوم مليان رزق وسعادة وعافية .
■طلع من عنا صارو.خين ،والله أعلم يمكن بالغلط ولا الشباب قاصدين ، مش شغلنا ،المهم واحد وصل جوا وواحد وقع برة عالسلك.
■بعدها اليهود فاعوا وطبوا شمط وقصف بمواقع وأراضي من الشمال للجنوب بالقطاع.
■ ربنا ستر عيلة بالمغازي من القصف ،تضرر بيتها بشكل مش بسيط ،لكن الحمد لله فش اصابات.
■التخفيف جاي جاي للاجراءات بغزة بكرة حيعلنوا عنها ،خاصة قصة الجمعة والسبت وصلاة الجمعة حتكون بالجوامع .
■قصة فتح الصالات فش منها ،لسة بدري شوية عليها .
■من الأسبوع الجاي حيرجع باقي أولاد مدارس الحكومة للدوام "كل المراحل طبعا"
■الفصل الجاي حيضل التعليم إلكتروني للجامعات زي مهوا.
■الكوو.رنا فش حد صار فاضيلها زي أول والعدد الحمد لله بينزل شوية شوية اليوم بس حيعلنوا عن 285.
■خمس تلاف جرعة لقا.ح روسي حتوصل الفترة الجاية لفلسطين.
■البندورة والخيار لسة الكيلو بشيكل والزيت والسكر غلي سعرهم شوية.
■فش موعد رسمي لفتح معبر رفح بالمرة وكل الكلام اللي بتسمعوه مش رسمي.
■اليوم آخر يوم لترامب بمنصبه كرئيس للعالم ،يعني حيلم بلقي عزاله وأوراقه وكراتينه ويروح عالدار يشوفله حاجة يتسلى فيها بقية عمره.
■قيادات من فتح بتطالب أبو مازن بإنه يحل أي مشاكل بغزة والضفة،عشان ما ينصدم بالصناديق.
■موضوع القائمة المشتركة شكله من حيمشي .
■اذاعة الشباب تبعت زمان اللي كنا بنسمع فيها الخبر العاجل يهز هز ،رجعت اشتغلت من أول وجديد على تردد 98.2 عالأف أم.
■مصطفى البرغوثي بيطالب انه يكون سن الترشح للانتخابات من الشباب 21 سنة يعني لو أخروها شوية بنحلق جيل الألفين.
■ جواز السفر تبعنا حيصير "بيومتري"، يعني نظام مطور وشغل بصمة وأمور عال العال.
■توفى شب جدع مبارح بحادث سير بخانيونس اسمه محمد خالد أبو زرقة ..الله يرحمه ويغفرله.
■المطرة مسكتتش من مبارح لليوم والحمد لله الخير وصل معظم المناطق.
■بقرار رسمي من القوارير نفسهم "اليوم الغدا عدس سخن من اللي بيدفي مع بصل أخضر وشوية دقة وفلفل أحمر "

يسسلمووو ع ممتاابعةة
+ وردهه

تسلم لنقل والمتابعه امير

شكرا الامير عالمتابعة
سلمت

شكرا لالك ع الموجز
طاب مسائك

	السلام عليكم ورحمة الله وبركاته يسلمووووا ع النشرة الاخبارية المنوعة والمتابعة يعطيك الف عافية بانتظار جديدك دائما تحيتي