أخبار_عالريق

#أخبار_عالريق 224
✅يكتبها/سعيد الطويل
■معلش يا جماعة تحملونا شوية هالأخبار الموجودة عالريق، مش حتبسطكم كثير ،بس ما لقيت غيرها عشان أكتبها .
■اليهود قتلوا الليلة اللي فاتت بدم بارد الشب النوارة ابراهيم يعقوب من قرية بسلفيت ،بعد ما طخوه برصاصه برقبته وا.ستشهد بمكانه وهو ماشي مع صحابه.
■زلمة لا عنده قلب ولا ضمير بغزة ،موت بنته اللي عمرها عشر سنين من كثر الضرب ،ووصلت للمستشفى جثة هامدة.
■ توفى مبارح شب شغيل وجدع اسمه حمزة أبوعودة من سكان عبسان الكبيرة بعد ما صابته صعقة بالكهرب .
■واحد ولع النار بداره بمخيم الشاطئ بعد ما اجت الشرطة والمكافحة تعتقله .
■في هاليومين أزمة مية وكهربا وضعف للانترنت بغزة.
■بيقلك بآخر احصائية صار عدد الفلسطينية بالوطن والشتات تلطعشر مليون ونص نسمة .13.5.
■بدهم يصرفوا قبل عيد الأضحى الدفعة الثانية من مصاري وقفة عز للناس اللي تضرروا بالكورونا.
■الوكالة بلشت تصرف ال40دولار لتعون الكابونة الصفرا.
■بدهم يحاولوا يصرفوا شيكات الشؤون قبل العيد ،بس الوزير قال مش وعد .
■الجها..د الاسلا ..مي بيقول انه المقا....ومة ماشية في مشاغلة الا حتلال .
■لجنة مسير.ات العودة بدهم يعملوا زيارات لجرحى البتر بقطاع غزة.
■اشتيه وصف عملية قتل الشب ابراهيم يعقوب من اليهود بالحقيرة.
■كيلو الجاج 8 شيكل ولحمة العجل ب40.
■نقابة مزراع الجاج بيهدووا اذا وصل سعره لسبعة شيكل حيبطلوا ينزلوه عالسوق وحيعلنوا عن الاضراب.
■أصحاب محلات الحلويات بلشوا يحضروا لموسم التوجيهي والمنافسة المرة عذه شادة حيلها بالاعلانات.
■التين الزاكي أبو حبة مفسخة نزل ع بسطات البياعين بالسوق.
■الشرطة والمباحث حينتشروا بكرة بالشوارع عشان يمنعوا أي حد بده يطخ عشان أخته ولا جارته نجحت بالتوجيهي .

#صباح_الخير لتعون توجيهي اللي بيعدوا ساعاتهم الأخيرة عشان يفرحوا بأهم مرحلة بحياتهم ومناموش الليل وهما بيتقلبوا لعند الفجر.

#صباح_الخير للصبايا اللي حضروا الهاشتاقات وطبعوا البوسترات والبلايز وحضروا زواق للدار وخلوا أبوهم يحجز سدر البقلاوة من اللي يحبها قلبك عشان تتوزع عالضيوف يوم السبت .

#صباح_الخير للشباب اللي حضروا واشتروا أقلام الصوت ،والسماعات وبخاخة معطر الصابونة وسيارة تلفلف معهم من البلد ويطلعلوا من شبابيكها يوم النتايج ومش فارقة قديش صاحبهم يجيب المهم ينجح.

#صباح_الخير لكل أم وأب نفسهم يرفعوا راسهم بأولادهم ويدخلوا الفرحة لدورهم وبيعدوا الدقايق عشان يستنوا رسالة عالجوال بنتيجة ابنهم .

#يسعد_صباحكم وصلولنا عالنبي بيوم هالجمعة المباركة ..🌹

يسسسلموو الامميرر
+ ممتابعهه ححلوهه
وردهه

يعطيك العافيه

كل الشكر والتقدير

كل الشكر والتقدير

\
يعطيك العافية لادراجك ..

الله يعين الناس
يسلمو للمتابعة

يسلمو الامير

	السلام عليكم ورحمة الله وبركاته يسلموووووا ع الخبريات المنوعة والمتابعة يعطيك الف عافية بانتظار جديدك دائما تحيتي