مكان الحجر الصحي المناسب

السلام عليكم
اماكن الحجر الصحي اللي وضعتها وزارة الصحة بالاتفاق مع الداخلية
لاقت عاصفة من الردود السلبية وتهييج الرأي العام
السؤال لو انت مسؤول والقرار بإيدك هان بغزة
المكان المناسب اللي انت شايفه لحتى يتم حجر صحي يلاقي رضى جميع المواطنين
فكرة تكون اقرب للواقع ويتم تطبيقها حالا


الله يحمي الجميع


دمتم بود

بحكم انه م بنقدر نحطهم بالمستشفيات بحطهم بفندق المشتل
لانه تقريبا اوسع واكبر فندق في غزة وبتقدر تعزل اى حدا بعيد عن التاني فيه

عوافي

بصراحه مابعرف وين حطوهم ولا بعرف اشي عن غزة.
ببستنى الاعضاء الي من غزة يردو
سؤال حلو كتير
م ننحرم

انا سمعت انهم حطوهم بمدارس

المفروض مش بمستشفيات يحطوهم
عنا ببيت لحم حضرو مستشفى خصوصي ليحجروهم فيها
يمكن المستشفى بتعمل ع تحطيم النفسية للشخص
وبحس حاله عنجد مريض وبتعب اكتر
لو فنادق اهون ويحس حاله انه غير مصاب

ازا في فندق
رح يكون مكان مناسب نفسياً مع لوازم طبية
تحياتي

الفنادق كثير في غزة
في اي فندق يحجروهم
ويكون كل شخص في غرفة وعنده حمامه الخاص وأدواته الخاصة فيه
اما حاطين 8 في غرفة واحدة وبيستخدموا حمام واحد
مش فاهم شو الي بيصير انا

تحياتي لك

فكرة المدرسة شايفها منيحة لانه المستشفى مش هتستوعبهم
وفيه مرضى وغيره
بس الغريبة انهم عزلوهم بالجنوب رفح وخانيونس
يعني بتذكرونا عند المرض وعند الخير كله بروح ع غزة ..

يعطيك العافية ..

سبب اختيار رفح وخانيونس لقربهم من معبر رفح
بمعنى دخول اي شخص لسمح الله مصاب بالكورونا لمسافة داخل غزة
ممكن ان ينقل العدوى خلال هذه المسافة
لذلك تم وضع خانيونس ورفح في الواجهة وانا مع ذلك
الآن التفكير الموجود محاط فقط بخانيونس والاقرب هو رفح
المكان الانسب للحجر
المدارس ممكن حل لكن قوبلت بعدم الترحيب من المواطنين
لوجودها بقرب من اماكن سكنية و الخوف من انتشار الوباء


حفظ الله الجميع