قضية مهمة للنقاش

السلام عليكم اعضاء قلب فلسطين

هذا قصه حقيقه لأحد الاشخاص اعرفه جيداً

زوجته تجعله يقوم بكل اعمال البيت من تنظيف عمل فطور
كل شيء هو واجب علي الزوجه يقوم هو بفعله
يعني لدرجة انها لا تقوم بأي شي داخل المطبخ
هو من يقوم بكل شيء
والسبب فقط لانه عقيم

فما رأيكم انتم بما تفعله

شو هالاهانة هاي
ليش هو خلق حاله عقيم
وهو يعني مبسوط ع حاله
من واجب الزوج يساعد زوجته من باب التسلية والحب بينهم
اما هي ما تشتغل شي
الله ما حكاها
وطلاقها حلال
وتروح تشوفلها واحد تاني تجيب منو ولاد

و هو موآفق !!

العقم هو شيء مفروض على الإنسآن
شغلة مش بإيده يعني
انا مستغربةة القصة
تصرفها المُخزي و السيء
و رضوخه لهالذل و موآفقته لأوآمرها
وين كرآمته و رجولته !


مليون وحدةة بتتمنى تتزوج و لو الرجل عقيم
عنآ بعض الحآلآت هيك
لكن الزوجين عآيشين من سنوآت طويلة بحب و مودة
و منهم افترقوا و الشب تزوج بعد كم شهر
يعني هاد اللي صايرة معو القصة يتركهآ فوراً
و ربنا ببعتله زوجة صآلحة تصبر معه


ربنآ يكون بالعون

هاي بني ادمه مش متربيه صح
ومش اصيله
وحرام عليها تعمل فيه هيك
هاد امر ربنا وقضاؤه
اما بتقبل فيه مع احترامها الكامل لزوجها
او بتطلب الطلاق وتشوف حياتها
وهو اكيد ربنا رح يرزقه اللي بتستاهله وتقدرو

اقتباس   المشاركة الأصلية كتبت بواسطة ملاك الحب شو هالاهانة هاي ليش هو خلق حاله عقيم وهو يعني مبسوط ع حاله من واجب الزوج يساعد زوجته من باب التسلية والحب بينهم اما هي ما تشتغل شي الله ما حكاها وطلاقها حلال وتروح تشوفلها واحد تاني تجيب منو ولاد

مش عيب الواحد يساعد زوجته
بشغلات
لكن بهالطريقة مابينفع
والمفروض يطلقها
بسس مابعرف شو عقلو بحكيلو
نورتي ملاك

اقتباس   المشاركة الأصلية كتبت بواسطة البريئة ! و هو موآفق !! العقم هو شيء مفروض على الإنسآن شغلة مش بإيده يعني انا مستغربةة القصة تصرفها المُخزي و السيء و رضوخه لهالذل و موآفقته لأوآمرها وين كرآمته و رجولته ! مليون وحدةة بتتمنى تتزوج و لو الرجل عقيم عنآ بعض الحآلآت هيك لكن الزوجين عآيشين من سنوآت طويلة بحب و مودة و منهم افترقوا و الشب تزوج بعد كم شهر يعني هاد اللي صايرة معو القصة يتركهآ فوراً و ربنا ببعتله زوجة صآلحة تصبر معه ربنآ يكون بالعون

هو كان متزوج قبل وطلقها بسبب انها بدها ولاد

لكن لمن تقدم للثانيه حط شرط انو مما بخلف هي ردت مابدها ولاد
وتم الاتفاق علي هيك وتزوجو
لكن الامور بعد الزواج اختلفت وصارت تطالب بدها خلفه
الاصعب من هيك انها احيان بتطلب منو يا فلان قوم سويلي كاسه شاي
قوم سويلي فطور جعانه
بجد وبصراحه انصدمت من هالشغله
لكن القصه للاسسف حقيقيه وبعرف هالشخص جيد المعرفه
نورتي ميناس وشكرا لتواجدك

اقتباس   المشاركة الأصلية كتبت بواسطة نقاء هاي بني ادمه مش متربيه صح ومش اصيله وحرام عليها تعمل فيه هيك هاد امر ربنا وقضاؤه اما بتقبل فيه مع احترامها الكامل لزوجها او بتطلب الطلاق وتشوف حياتها وهو اكيد ربنا رح يرزقه اللي بتستاهله وتقدرو

هذا المفروض الي يحصل ويصير
لكن مابعرف ليش متمسك فيها للحين
نورتي نقاء ومبسوط بتواجدك

مش عارف شو اللي صار بينه وبين زوجته
بس هي اهانة انه يقوم باعمال البيت وهي قاعدة مستته
حتى
لو فرضا هو بدو يكافيها لانها بقيت معه
بس مش هيك
العقم ما عمره كان قلة رجوله هو اختبار من ربنا
قلة الرجولة لما تتنازل عن كرامتك او شرفك و مبادئك
الله يرزق كل عقيم ويشفيهم كما رزقت ابراهيم وزكريا
شكرا مؤمن

اعتقد انو مشكلته مو بس بالعقمم
مشكلته انو مش رجل أساساا

العقم مشكله ويمكن اعتباره مرض لكن لا ينقص من رجولته شيء
الا اذا هو حمار م بمشي الا بعصا

هيكك صفاا خرجو الله لا يقيموو

بالنسبه للمرأه :
كرامه زوجكك من كرامتككك
اهانتو هي اهانه لالككك

بنفسك ترزقي باطفال فيكي تتطلقي وهاد حقكك شرعا وقانونا
بس واضح انو كان نفسك بسيريلانكيه واجتكك مجاناا

مشكور مؤمن للادراج

تحياتي

العيب مش منها العيب منه هو
لانه لو شخصيته مش ضعيفة وواثق بنفسه كان ما خلاها تسيطر عليه بهالطريقة المهينة
لشو صابرة عليه طالما هي بتهينه عشانه عقيم وانه بحجة انه نفسها بولد فبتفش غلها فيه
تتطلق منه وتتزوج غيره
وهو كمان المفروض طلقها لانه الزوجة الصالحة بتكون معه على الحلوة والمرة
وبتصبر وبترضي بنصيبها وبقسمتها الرسول قال ارض بما قسمه الله لك تكن اغني الناس
وبيقدر يتزوج ثاني ورح يلاقي الزوجة الصالحة اكيد لانه في حالات كثيرة مثل هاي
او ممكن يتزوج ارملة او مطلقة عنده خيارات كثيرة المهم يحفظ كرامته وماء وجهه

عوافي