مش لازم تعرف !

وتذكر دائماً انه في شغلات مش لازم تعرفها!
تذكر انه لما الي قدامك بخبي عنك شغلة فهو كان قادر ببساطة يحكيلك اياها بس خباها لأسبابه الي ما الك حق أحياناً تسأل فيها او فضولك يسمحلك تبحبش فيها او وراها!

وحتى لو كان هالشخص مقرب الك، مش لازم يثبتلك انه بوثق فيك عشان يحكيلك شو بصير معاه ،ماتربط الثقة بإنه الي قدامك يحكيلك كل اشي بخصه ،!

بعض الظروف مؤلمة ،بعضها عائلية أو عاطفية حتى أو مسألة مادية أو نفسية أو عبادة معينة مقصرين فيها، في شغلات بنخبيها لأنها صعبة حتى علينا !

ومن حقنا تماماً نخفيها حتى لو ماعنا من هاد الأسباب اشي!

أعطي مسافة الأمان والخوف منك للأشخاص، مابتعرف كل شخص شو عاش وشو شاف وشو مرت عليه ظروف وأيام!

لا تكون إنسان شايف انه الو حق يكشف الماضي والحاضر ويبني مستقبل الي قدامه عشان ماسكه من من كل طرف وبين ايديه شريط حياته وكتابه المفتوح كامل!

اعرفوا دايماً انه كثرة التنبيش بتخليك بنهاية المطاف تخسر!

تخسر الشخص تماماً لكل الي عرفته وماكان لازم تعرفه..

أحياناً الأنسب الك والأسلم لقلبك وحفاظاً على ناسك الي بتحبها، داري معهم لما بيداروا حتى لو كنت بتعرف شو مخبين عنك، لا تزنقهم بالي بتعرفه لأنهم وقت الي خبوه كان عندهم ألف حاجز وسبب، وأعطي كل إنسان مساحته الخاصة يداري همهُ وحزنه وحاجاته وخصوصياته ،كون انساني، كون رحيم بقلب غيرك...

وخليك بحالك وقت الي بتنرسملك حواجز.. ما تتخطاها وما تحاول.. وما تسأل ليش.

فعلا

شكرا الك

فعلاا مش لازم كل اشي يتحكي ولاا نكون فضولين بكل اشي
خاصة بحياة الغير
يعطيك العافية لادراجك القيم ..

فعلا
مثل عندنا يقول :كثرت التخرييش توصل للزبل .
طبعا هناك امور لا يجب ان يعرفها حتى صديق مقرب
ايضا يقال :اذا تجاوز السر ثلاث اذان انتشر....والحقيقة اذن وحدة ينتشر ههه
شكرا خمر ايلول .

كثرة التنبيش بتخليك بنهاية المطاف تخسر!

فعلا
طرح جميل خمر
شكرا الك

كلام سليم
احسنتِ
تحياتي لك

كتير حبيته الموضوع
يا ريت الكل يقرؤه
ويفهمه تماما
اميز موضوع لليوم بنظري
وبستاهل التقييم
عوافي خمر ايلول

كلام بمحله
احيانا في اسرار تنحكاش لحدا
حتى لامك ولا اختك
شغلات خاصةم الك حق تضل تسال عنها
لانها بتضل مش لازم وفضول يقتل

حبيت الطرح كتير
اشكرك جدا خمر ايلول

الفضول صفة مش حلوة ابداً
الحمد لله انا لستُ فضولية و نادراً لأسأل عن شي معين
بنتظر الطرف الآخر يحكي لو كآن حابب يوضح
تحيآتي