اتزوجوا❤راق لي جداً❤

اتزوجوا ناس بتبتسم من الصبح ... ناس بتحب القهوة و الموسيقى و السينما و الكتب .. ناس عندن شخصية و بيسمعوا وبيناقشوا وبيحكوا .. اتزوجوا ناس بسيطة و واضحة ... 💙

اتزوجوا ناس ماعندا أسرار .. ماعندا بخل بالمصاري و المشاعر ... اتزوجوا ناس بتشتغل .. ناس تعبت بحياتا قبل ما تشوفك .. ناس ناوية تحتفظ فيك .. 💙

اتزوجوا ناس فهمانة ع حالا و عرفانة طريقها وعندا هدف .. مو ناس غامضة و مشاعرا غامضة و حياتا كتاب نصو محروق ..💙

اتزوجوا بشر مو أمراض نفسية ماشية على رجلين .. مو مهازل بصورة بشر .. مو كيانات غامضة و أجساد مسكونة أرواح شريرة و أسرى حرب و عبيد مهزومة ..💙

اتزوجوا ناس وجودها مُبهر و كلاما مُبهر و أساليبها بالخداع مُبهرة .. ناس بتعرف تحاصركن بحبا إلكن .. تأسركن بجمال روحا .. اتزوجوا ناس بريئة مو مجرمة ..💙

اتزوجوا ناس سعيدة بتعرف تعطي السعادة لكل اللي حواليها ... 💙

هل انت جادة

وين نجد هاؤلاء ؟
طرح مليح بزاف ان شاء الله نجد مثلهم
اشكرك

ع هيك خليني عزابي لما الله يبعت
راقني طرحك

خلص رح اتزوج من هالنوعيه هههه
فعلا هالناس حلوه كتير ورح تعيش معها بسعاده
يسلمو هالديات ملوكه

اقتباس   المشاركة الأصلية كتبت بواسطة lonely heart خلص رح اتزوج من هالنوعيه هههه فعلا هالناس حلوه كتير ورح تعيش معها بسعاده يسلمو هالديات ملوكه

+1

والله بهالزمن الناس هاي نادره للاسف

خلص ابعتيلي واحد متل هيك هههه
هو فيه متل الي ذكرتيهم واحسن كمان
بس تغيرات الحياة والمشاكل والمصاعب الي بيوجهوها بتغير اشوي
الحياة مش كلها فرح وانبسطات
واكيد محد بيحب يكون نكدي او بخيل مشاعر او مشكلجي

دائما ضروف الحياة بتكون اقوى.
يعطيك العافيه.

لاا ما بتلاقي حدا بيشبه هيك بكل المذكور
لكن بتلاقي ناس لما تحبيهم بتحسي بالسعادة
بقربهم بكل ما فيها الحياة من تعب بتلاقي الراحة بقربهم والطمأنينة
ناس بتدعمك وبتوقف معك بالسيء قبل المنيح ..
يسعدك لادراجك القيم ..

طيب تمام هاتي واحد هيك ههههه
حبيت الكلام جدًا
وهدول الفئة من الناس هما يلي بيعرفوا المعنى الحقيقي
لقوله تعالى: "أزواجًا لتسكنوا إليها"
يسلمو ملاك الحب لطرحك المميز
ما ننحرم

فعلا الي بيتزوج بهالمواصفات
بيعيش عمره كله مبسوط ومرتاح
ادراج جميل
احترامي