زمان عني صح!طب جبتلكم فرفشه رمضانيه بس اضحكو😂

تعالو نضحك شوي ديرو بالكم تعملو متل الأخت
قصة مضحكة 😂👇

هيك ها بتصير الشغلة بالعكس 😐
وك على اساس بتكون سهران للسحور وقبل بنص ساعة بتحلّو الغفوة بعيونك .. وكل عين بتقول للتانية تصبحي على خير ..
هيك صار فيني أول يوم رمضان ما فيقت جوزي ... 😑
إجا من شغلو معصب وفاقعة الحكاية معو .. شلف صباطو وركض .. وزت حالو عالكنبا .. وقلي الله لا يوفقك جوزة حلقي طقطقت ونشفانة.. الله يستطفل فيكي ..
اللهم إني صائم ..
اللهم إني صائم .. حسابك عندي بعد الإفطار رايح نام 😡
بس فاق مسكني من رقبتي ورفع راسي لفوق .. قلي شايفة هالفانوس يلي معلق بالسقف😡
قلتلو : أي🙃
قلي : بدي علقك عليه وخلي رأسك فوق ورجليكي مدندلين اذا ما بتسحريني اليوم 👌
بس شاطرة تكتبي عالفيس منشور وتعمليلي تاغ ..
(( سأعد لك فطورك .. وسأعد لك سحورك .. وسأصلي ركعتين شكر لأنك معي 😍 ))
ليكي والله رح صلي 4 تكبيرات صلاة جنازة على روحك اذا اليوم ما جهزتي سحور ..
صار تاني يوم 🙈
حاولت كتير شد على حالي بس الله لا يوجهلا الخير الناعوسة غلبتني 🙈
ونمت ...صحيت الساعة 4 ونص متل المجنونة... قلت يا ويلي شو اعمل .. مأذن وخالص 😱
والله ما عيدها كمان ليشل أملي😱
ركضت فورا" عالساعة غيرتا وعملتا 2 ونص😁
وحتى على جواله كمان غيرت الساعة 😅
رحت جهزت سحور ويا دار ما دخلك شر 😅 فيقتو وقلتلو يله حبيبي قوم تسحر ح تصير 3 بيبي 😁
قام وغسل وفات فوتو بمقلاية البيض ويشرب مي .. ويكرع عرق سوس كرع .. ويقلي شومالك ما عم تتسحري معي؟؟؟ ..
قلتلو : عاملة ريجيم بيبي 😍هي فرصة الوحيدة ليدوب كرشي قبل العيد ..
بس خلص سحور أتطلع عالساعة قلي بما انو معي وقت رايح صلي الفجر بالمسجد 👳
قلتلو😱 لك لا يا روحي صلي هون .. صلي هون
قلي : عم قلك معي وقت ومصحصح صارت 4 لازم روح .. وك راح لبس كلابيتو البيضا وهوي نازل عالدرج شاف جاره ؟؟
قلو : شو وين جار 😁
- رايح صلي الفجر بالمسجد .. انتا ليش راجع ؟؟
÷ راجع 😂😂😂 الله يطعمك الحج والناس راجعة
رح تطلع الشمس جار 😂😂
..................
انا بس سمعت هيك ركضت فورا " قبل ما يصير عندي .. لبست طقم الصلاة ومديت السجادة وبلشت صلي ..
صليت الفجر ..
وركعتين السنة ..
و2 قضاء ماضي ..
و ركعتين طلب حاجة لرد غل جوزي 😅
وك حتى صلاة استسقاء صليتا😂
وكل هاد وهوي واقف ينطرني خلص صلاة حتى ينقض عليي النمر المفترس😅
بآخر ركعة وقت سلمت .. مسكني من طقم الصلاة من راسي وبعدين سحبني من لغلوغي ..
قلي قليلي شو اعمل فيكي ؟؟؟؟
بس قليلي شو أعمل ؟؟؟
قلتلو : أعمل شاي 😂😂
(( هون قال عم خفف دم على اساس😅 و فايتة بجو النكتة انو بلكي بيضحك😑 ))
بس ما ضحك 😑
قلي جاوبيني؟؟ شو اعمل فيكي ؟؟
قلتلو : إعمل متل ما بيعمل سيدنا محمد عليه أفضل الصلاة والسلام ❤
سامح 😌
المسامح كريم 😌
مو حرام هالوجه الملائكي يتعلق بدل الفانوس😁
..............
مات ضحك 😂 قرب علي وقلي يخرب بيت شيطانك .. رايح نام بس صدقيني اذا ما فيقتيني بكرة عالسحور .. بدي اعمل من جلدك طبلة يطبل عليها المسحراتي 😃😂😃😂😃😂😃😂😃😂😃😂
...............

هههههههههههههههههههههههههه




الله يسعدك

ههههه قوية طلعت وبعدين فيه خير هيوو ما علقهاا بدل الفانوس

يسعدكك ونورتي من جديد

ههههه
حلوه كتير

هيهيهييهي
ححلوهه و ققويهه
ووردهه

فطرت الزلمة الله لا يكسبها ههههه
لا حلوة بجد
ومنورة بعد غياب

ههههه
حلوة بجد
شكرا

بصير في رمضان ههههههههههههه
شكرا نقاء