قصة زريف الطول

زريف الطول كان نجار ..وغريب عن القريه ..كان اسمه فلسطيني ..بس طوله كان سبب اسمه ... خلوق ما برفع عينه في امرأه ...وكان أبو حسن يعطيه أجره كل أسبوع ..وماكان يعرف وين بروح فيه ...بنات القريه بغزلوا حواليه وهو ولا هوه هون ..مرت المختار فصلت نمليه ..مشان تلفت نظره لبنتها...وام خليل مرت خطيب القريه فصلت عندو صندوق (اواعي) وحكتلو عن بنتها ..حتى الخطيب ..في خطبة الجمعه لمح للموضوع بس ما في فايده...زريف الطول مش تبع نسوان.....في يوم هجموا قطعان اليهود على القريه .
واستشهد 3 شباب ...ثاني يوم غاب زريف الطول ..ورجع بعد 4 ايام ..رجع بالليل ..ما حدا شافوا ...بعد شهر رجعت قطعان اليهود ...كان زريف الطول مشتري ..5 بواريد...وزعهن على شجعان القريه ..قتلوا 6 يهود ...ثاني يوم القريه قامت وقعدت..النسوان باعن ذهبن..مشان الشباب تشتري بواريد ..وصاروا يغنوا..يا عربي يا ابن المقروده بيع أمك واشتري باروده ..رجعت القطعان توخذ بالثأر ...وحصلت معركه مثلها ماصار..هرعوا الناس كبار صغار ..وفي كروم التفاح .ريح الثوره نسم وفاح...استشهد شباب كثير ..بس خسائر القطعان أكثر ...جمعوا الشهداء ..زريف الطول مش معهم ..وزريف الطول مش مع اللي بقوا ...بس الكل حلف يمين انو شاف زريف الطول قتل أكثر من 20 يهودي ..وكان يطخ ببارودتين..وهو اللي سحب عمار وجهاد أولاد الأرملة من ساحة المعركه وهم جرحى والرصاص زي زخ المطر فوق رأسه ...طول الليل القريه دورت بالمشاعل على زريف الطول ..مابين الو أثر ...ومرت الأيام ..وصار زريف الطول اغنية القريه ...
يا زريف الطول وين رايح تروح بقلب بلادنا تعبقت الجروح
يا زريف الطول وقف تاقولك رايح عالغربه وفلسطين احسنلك..
بعدها بخمس سنين إبراهيم الحلاق حلف يمين انو شاف زريف الطول مع عز الدين القسام في احراش يعبد ..وجهاد ابن الأرملة بقول شافو مع الحنيطي بدرب الثوار بيافا..اكيد مهو مش غشيم عنو ...وكثير ناس حلفت انو كان ببورسعيد مع جول جمال ..وعلى الوصف ناس شافوه بالكرامه على نهر الأردن بفجر دبابة بعد ما قطعت النهر ...وكان بسوق الغرب في اجتياح بيروت ...بس آخر مره شافوه..كان بغزه..طلع للقطعان من نفق ..رمى صليت صواريخ على تل أبيب ورجع على الخندق ....
زريف الطول كل مقاوم وكل ايد قابضه على السلاح وسبابتها على الزناد ...
بعرف ..في سؤال ؟؟؟هو زريف الطول ما بموت ...
ليش هو الفلسطيني بموت !!!!

ميرسي الك جيتار
على المعلومة الحلوة
كنت اسمع الإسم
ومابعرف قصته ولا مين هو
عوافي

اقتباس   المشاركة الأصلية كتبت بواسطة نوون ميرسي الك جيتار على المعلومة الحلوة كنت اسمع الإسم ومابعرف قصته ولا مين هو عوافي

الاحلى تواجدك نون

نورتي ي طيبة

اول مرة بعرف قصته
يسلم خالد ع موضوعك
عوافي

اقتباس   المشاركة الأصلية كتبت بواسطة lonely heart اول مرة بعرف قصته يسلم خالد ع موضوعك عوافي

الله يسلمك لونلي

منورة

دايما بسمع بإسمه ولا مرة فكرت ابحث عن قصته !
يسلمو جيتار
يعطيك العافية

اول مرا بعرف قصتها
يسلمو دياتك خالد
وماننحرم مواضيعك الراقيه
ودي

اقتباس   المشاركة الأصلية كتبت بواسطة مَيم دايما بسمع بإسمه ولا مرة فكرت ابحث عن قصته ! يسلمو جيتار يعطيك العافية

الله يسلمك

شكرا لحضورك الراقي

اقتباس   المشاركة الأصلية كتبت بواسطة سكون وانين اول مرا بعرف قصتها يسلمو دياتك خالد وماننحرم مواضيعك الراقيه ودي

الله يسلمك سكون
شكرا الك وما ننحرم من حضورك

نورتي

القصة حلوة بس فكرتها القصة الحقيقية لزريف الطول
يعطيك العافية لادراجك ..