حصلت في غزة

أحد الشباب المتورطين مع جمعيات "تيسير الزواج" لم يستطع الإيفاء بالمبلغ الشهري المطلوب منه، وحاله مثل حال آلاف الشباب الذين طحنتهم ظروف قطاع غزة من جانب وجشع جمعيات "التزويج" من جانب آخر.
المؤسف أنه لا مجال للتفاهم والحلول الودية مع هذه الجمعيات التي لا تعرف إلا الربح والاغتناء على ظهور الشباب الغلابا،، وتسارع فوراً إلى تقديم شكوى لدى الجهات المختصة ،، وبالطبع أوامر الحبس جاهزة لهؤلاء العرسان الجدد،، إما تدفع أو تنام في السجن !!
عريسنا اقترح على عروسه أن يبيع الذهب ويسدد مبالغ الجمعية،، وافقت العروس بعد استشارة أهلها والذين أشاروا عليه بدفع المبلغ جملةً واحدة ولسان حالهم يقول: "يقطع الجمعية وسنينها والساعة السودا اللي ودتنا عليها" ،، عريسنا المفدى باع الذهب وقفزت الى ذهنه فكرة "استثمارية" ،، فبدلا من ان يدفع للجمعية مرةً واحدة كل المبلغ أراد استغلال مبلغ الذهب ويفتح مشروع ،، ومن أرباح المشروع يسدد الجمعية وبعد انتهاء ديونه المستحقة يبقى لديه مشروع يعتاش من وراه ،، وبالفعل استثمر المبلغ في مشروع صغير دون ابلاغ أهل العروس ،، وللأسف "انكسر" وخسر "اللي فوقه واللي تحته" فالمشاريع في غزة غالباً لا تنجح الا مع الحيتان الكبار والمتنفذين أصحاب المداخل والمخارج الخاصة ،، طبعا الجمعية عادت لتطالب صاحبنا بما عليه ،، وعندما علم أهل العروس بالأمر استشاطوا غضبا واتهموه باللا مسئولية وبأنه أرعن ونصاب وطلبوا منه طلاق ابنتهم ،، رفض ،، لكنهم حرَدوا ابنتهم وغادرت بيت الزوجية وقاموا برفع دعوى نفقة عليه في المحكمة الشرعية !! وصاحبنا انتكب وأصبح مطارداً للجمعية ولنسايبه !!! ولم يعد يملك شيئاً ،، آه تذكرت ،، هو يملك صور يوم "الفرح" وذكريات "حفلة الشباب" ،، وما زالت تهنئات أصدقائه على الفيس "منور يا عريس" ،، "أحلى عريس فيكي يا غزة" ،،
والآن هو منور "المستشفى" ،، وعندما يغادرها راح ينور "المحكمة" ،، وربما ينور "السجن" ،، عشان تكمل الانارة 3 فاز ..

حسبنا الله ونعم الوكيل بهيك جمعيات وبهيك وضع مزري

الله يفرجها
مش عارفه الناس بغزه تلاقيها من وين ولا وين
عوافي مؤمن

يسسلممو
وردهه

في كثير عرسان منورين السجون من ورا هالجمعيات قال تيسير ع الشباب
وهما نكبوا الشباب ، وهدا اجى يكلحها عماها ،
حدا بفوت مشروع بدون لا دراسة ولا ، يلا الله يعينه ويفرج عليها وع كل اللي زيه ..

لفتني انها شاورت اهلها
ببيع الدهبات
بعتقد انه هالشي ما بيخصهم
وانه حقها هي ومن حق جوزها انها توقف حده
وما تتركه لديونه
خصوصاً انها من اسبابها
وهو غلط لما ماسدد دينه
اللي هو باع الدهبات لأجله
الله يفرجها عليه وعلى كل اهل غزة
ميرسي الك
عوافي

لاحول ولاقوة الا بالله
بس جمعيات تيسير الزواج مش غلطانه بهالخصوص الشب من اولها غلطان
وزاد الطيب بلة بعد هيك
بالعكس كتير شباب كانت الجمعياات تعمللهم خصومات لو قدمو دفعتين مع بعض
بس الشباب بتزوجو وبنسوا شو وراهم بعد هيك والجمعيات وراها مصاريف والتزامات متلها متل اى شركة

وربنا يفرج الحال
يسلمو للطرح مؤمن