#تحذير_عصابه_جديده_تستهدف_الفتيات_في_البلاد

بعد غياب فترة من الكتابة إجيت بموضوع كتير قوي وعم أشتغل علي لحتى إمسك هالعصابة إلي هي كتير كتير خطيرة ... يعني كنا نشوف واحد يضحك ع وحده وماشي واسا لاسف صارو عم يعملو عصابات ليوّقعوا الناس بالاخطاء إلي هي فعلا صعبة علينا ، والهاجس القوي أنو هني اقوياااء واذكياء ... الاشي إلي صار كتير خطير وعم يتواجد بالبلاد لازم نحذر منه كتير كتير كتير...(إلي بدو يكون واعي وعارف أحنا لأي وضع وصلنا وبدو يعرف كيف لازم ياخد حذروا ويتعلم من غيرو ، عنجد يتابع معي لأنو هالشي كلو عشان نحمي بنات المجتمع وشبابه ).

الموضوع كالتالي ..
في صبية اتوجهتلي على الفيسبوك، بتحكيلي انا محتاجه مساعدتك بأسرع وقت ممكن خيا !!
وانت اخر أمل الي قبل ما انتحر ومشكلتي كتير صعبة ونفسيتي متدمرة علأخر ارجوووك ، شفت الرسالة ورديت عليها ، بقلها تفضلي خيتا .. احكيلي شو القصه حتى اقدر أساعدك طبعا، بتحكيلي وهي منهاره كتير وبتعيط .

طبعا بعد ما هديتّها بتقلي القصة وما فيها ..من خلال تصفحي على الانستغرام وصلتني اضافه كالعادة.. من شب حلو وبنفس الوقت عنده متابعين كثير وحسابه فعّال ، حكيت بداخلي ليش لحتى أرفضو بالعكس بقبلو ..فأنا على هاد الأساس قبلت الاضافه وبعد يومين بعتلي رسالة ..
مرحبا كيف حالك ؟! وبلش الحديث بينا وشوي شوي بلش يتقرب مني ( بدي يعرف عن حالو ليقدر يتقرب مني ويحسسني أنو هو مجرد صديق ) وحكالي انو هو عايش في تركيا وعمره 28 ورجل أعمال ومأسس حاله وعم بدور على عروس وهو اختارني،وعندو إستعداد يسكن في البلاد ، ويسافر مره كل شهرين على تركيا لمده ثلاث إيام لحتى يمّشي شغلو ..(طبعاً هون كان سبب رئيسي لأيقاعي بالفخ ، بشكل عام كل بنت بتتمنى رجل يكون حلو ومعو مصاري وعندو شغل وتعيش معو بحُب...وكان أسلوبو جدا ذكي بالكلام) ..وخلال الفتره الاخيره راح ينزل على البلاد لحتى يشوفني وهيك.
المهم انا اقتنعت وصدقتو وحبيتو من كل قلبي وبلشت ابعتلو صور وفيديوهات خاصة الي ، وكمان كنا نحكي على السكايب مكالمات فيديو ..وانا الصراحه كنت اطلع شبه عاريه !!
سألتها هو كان يفتح كمان فيديو ؟؟؟
بتقلي ما كان يفتح فيديو ، بس صوت . فحكيتلها شو السبب يعني !! بتقلي انو اقنعها وحكالها في اسباب خاصة إلي بتمنعني للأسف ..لما يشوفني راح يقلي .. وكان يبعتلي كل يوم الصبح مقطع فيديو الو عن طريق الانستغرام وينمحي بعد ثواني (كنت استغرب أنو ليش يمسحهم ، معقول مابيوثق فيه.. ليش انا بس ابعتلو مابحذفهم !! وبوثق فيه وصرت اتسائل شو الاسباب إلي بتمنعو .. بس بعد كل تساؤل كنت إمسح كل شي فكرت فيه بوهم الزواج والاستقرار) المهم بعد هل فتره بقلي اسمعي انتي وقعتي بالفخ .. مافي جواز ولا في اشي بدّي مصاري وبس ... يا بفضحك ، معي كل صورك وفيديوهاتك إلي كنت تبيني فيهن وانت مش لابسة وشبه عارية ..المهم خيا صارلي على هاد الحال شهرين ، بحول مصاري تقريبا وصلت ل 3500 دولار .. يا بفضحني !! وانا مش قد الفضيحه والله بموت ، يعني صعبة أتعايش كوني بنت صبية أنفضحت ونظرات الناس حتموتني أكتر، ومعاشي عّم ادفعو كل شهر ألو ،
فسألتها كيف بتحولي المصاري ؟؟
بتقلي عن طريقه عملة غريبه #البتكوين ..كنت أشتريها والشب يحولها لرقم حسابه بكل مرة وهاي خيا كل القصه وانا خايفه كثير ومش عارفة الاقي حل ، بيطلب مصاري وكمان طلبات جنسية يوميه، قالتلي بعطيك شو بدك بس خلصني لانو ما ضَل معي مصاري وأهلي بسألوني وين بتروحي بمصرياتك كل شهر واحنا وضعنا صعب وما بزبط هيك وصار شك بالموضوع من قبل اهلي كثير كبير ...

فحكتليها فهمت الموضوع ما تقلقي راح اساعدك باْذن الله بكل قدراتي التقنيه لحتى اخلصك ،وما بدّي منك أيّ مقابل مادي وطلبت منها تفاصيل عديده وبعد اسبوع من العمل كان صعب ومرهق بكل صراحة تم تخليص البنت من الابتزاز الجنسي والمادي على افضل مستوى وبدون أضرار ...

#وأهم_شيء_اعزائي_في_الموضوع .. :

بعد التحليل والاستنتاجات تبين أنها عصابة جديده في البلاد ، تقوم في استهداف الصبايا من جيل 19 - 36 عام وتم إيقاع حتى الان 8 صبايا .. وجميعهن توجهولي خلال شهر ونصف بنفس الطريقه والاسلوب ونفس صوره الشب ..
والعصابة تستخدم افضل التقنيات المتقدمة للإيقاع بالضحية ،مما يجعلنا أكثر خوفاً من حدوث مشاكل وتورط عدد أكثر من البنات ..
وبتستخدم حسابات مشهوره وايضاً موثّقة و برامج تصميم ومونتاج متقدمة أشبه بهيلود والعديد من الامور التي لم تُذكر ، ومن هنا أعدُكم خلال فترة قصيرة راح اكشف من يقف وراء العصابة بكل تأكيد ،ومنعها من الإنتشار مثل العصابة المغربية التي تستهدف الشباب ...

يمكن مافي داعي إني قول إنتبهوا ، المفروض بعد ما قريتو هالبوست تعرفوا قديش احنا بخطر ولازم ننتبه لحالنا وللغاليين علينا من كل هالوحشيات والمشاكل والجرائم وعدم الأنسانية وعدم خوف الله ... رجاءا حاولوا تحكو ، حاولو توعّوا القريبين منكم لحتى نتفادى مشاكل نحنا بغنى عنها...

ياريت تكون المشاركة على أوسع نطاق ، لحتى يوصل ألمنشور لأكبر عدد ممكن من ألناس ولحتى نحمي أعراض اخوتنا من هيك ناس ما بتخاف الله

تحياتي المهندس #احمد_بطو مختص أمن المعلومات والجرائم الالكترونيه وسفير شركه موزيلا فايرفوكس
منقول ©️Copyright Ahmad Butto

حسبي الله ونعم الوكيل بسسس
الله يستر ع الجميع يارب
ولازم يكون و حذرين ما يصدقو كل شي
ولا يوثقو بحد
يسسسلموو دياتك ع الطرح

لاحوله ولاقوة الا ب الله

م عندي تعليق

لا حول ولا قوة إلا بالله
وقتيش راح تنتهي هالتفاهات هاي !
لازم يكون وعي عند البنات أكتر
لانو كتير نماذج لبنات وقعت في الفخ
والشباب اللي بيعملوا هيك ربنا ينتقم منهم
شكراً للنقل

حسبنا الله ونعم الوكيل فيهم
ما عندهم قلب ولا احساس ولا ضمير
يسسسلمو خالد

حسبي الله ونعم الوكيل عليهم
الدنيا مالها امن

يسلمو كتير ع التنبيه

باستغرب كيف اقتنعت انه اختارها من بين الكُل ليتزوجها ووصلت معه لهذه المرحلة ،
ووثقت فيه بدون داعي ولا سبب للثقة ،
لكن فيه خير هالشب انه ساعدها ، والمفروض البنت ما تضعف ولا تستسلم للابتزاز لانه
مش هيوقف طالما هي خايفة وراضية ، فورا تشوف حدا يساعدها
يعطيك العافية ..

طرح مميز راقي يسلموووووووووووو

حسبي الله ونعم الوكيل فيهم هالنوعيات

انما الحق كمان ع البنت مهما كان ولو حبت مش لازم تكون ثقة عمياء


شكرا الك على الادراج