أخبار_عالريق

#أخبار_عالريق 1168 يوم
✅️يكتبها / #سعيد_الطويل

▪︎تصبحت من الفجر على مقطع من #غزة ما في خير أبداَ ..فيديو يهين النفس البشرية بمعنى الكلمة ..

رجل يضرب اثنين شباب بمشهد يوجع القلب بسبب خلاف على 120 شيكل ويطلب من ابنه الصغير أن يضربهم ويبصق عليهم ويتبول عليهم ..ثم يأمر الشاب بخلع البنطلون..

كرامة لهؤلاء الشباب لا أريد نشر هذا الفيديو وكان الله في عونهم ، لكن هذه رسالة للنائب العام وللجهات المختصة بغزة ..

▪︎توفى شب اسمه أحمد عادل أبو رمضان من دير البلح بعد ما تصاوب برصاصة براسه بالغلط

▪︎مات ولد صغير اسمه سامي عيوش من غزة بعد ما وقع من فوق الدور الرابع بدارهم

▪︎وضع البحر صعب عالآخر من هان لآخر الشهر تسبحوش لانه مليان دوامات وتيارات

▪︎عنا 8حالات غرقوا و ماتوا بالبحر من أول الصيف

▪︎ شركات المشغل بغزة بدها تاخذ 3600 شيكل تقريبا من العامل كل شهر بدل موضوع التصاريح

▪︎من اليوم وطالع فش أسماء ولا كشوفات للتنسيقات حتنتشر عالنت ..كل واحد بتوصله رسالة للسفر من منسقه وخلص زي كشوفات الداخلية

▪︎في واحد مقدم بلاغ كذب انه مسروق منه 45 ألف دينار مصاري وذهب وانكشف

▪︎عليم الله انه الكهرب من مبارح ما أجتنا غير ساعتين
والمراوح طفروا حالهم عالبطاريات والمواتير

▪︎عنا تقريبا ربع مليون شب وخريج عاطلين عن العمل ،هذه باخر احصائية مبارح بيوم الشباب العالمي

▪︎ضايل للمدارس يادوب عشر أيام ومحدش جاب سيرة شيكات الشؤون ..الوزير الله يعينه مش فاضي

▪︎الصيف حلو ..بس الشوب بيخلي الواحد تفرفط روحه
وعنجد المشكلة بتكون صغيرة بس الشوب بيكبرها ..الله يكون بعونك يا #أبو_فؤاد دارك زينقو والمروحة خربانة والمكان ضيق والحمار رفاص ..

لكل واحد بيقرأ هذا النشرة
الله يسدّد عنك دَينك، ويسعد قلبك، ويفرّج همّك، ويغفر ذنبك، ويستر عرضك
ويسهلها معاك دنيا وآخرة ويريح بالك

ادعولكم دعوة حلوة عالفجر

#يسعد_صباحكم🍀
الأحد 13-8-2023

يسسلمموو امميرر
+ وردهه

يعطيك العافية الأمير

كل الشكر.

الله يفرجها
كلها الاخبار تدمي القلب
يعطيك الف عافيه