أخبار_عالريق

#أخبار_عالريق 979 يوم
✅يكتبها/#سعيد_الطويل

■صباح جديد بيوم جديد من أسبوع جديد ان شاء الله يكون مليان حاجات حلوة ، وما إلكو بالأسبوع إللي راح لو كان كئيب وفي شوية شغلات نحست معكم ..خليت بالجديد يمكن يكون أنحس 🙂

■أول حاجة اليوم حيبدا صرف المنحة القطرية ،وللأسف هذه المرة فش للناس إللي أخذت 31 مرة وفوق

■بآخر الليل أعلنوا عن وفاة الشب إللي حرق حالوا قبل كم يوم بالشيخ رضوان وانتحر

■صبية عمرها بالعشرينات من الشجاعية فجأة طبت ساكتة وماتت

■انطبش الحكم مبارح بقزازة في مباراة شباب رفح وخانيونس وتغرز واحتمال شباب رفح يخسر المباراة

■اسم حساب أكثر اسم تبهدل مبارح عالفيس بوك بعد قصة المغنية شريين مرمطوه ومسحوا بكرامته الأرض

■طلع كيلو الجاج بالضفة أرخص من عنا عندهم بتسع شواكل وعنا باحدعش

■عموما نابلس محاصرة صارلها 12 يوم ،وهيا إللي حامية حالها وديارها

■بيقلك لو زبط موضوع حقل غاز مارين ببحر غزة حتصير جرة الغاز ب20 شيكل مع التوصيل لباب الدار

■اتفقوا فتح و حما،،،، بجامعة الأقصى على رئيس لجامعة الأقصى لأول مرة من 2015

■خمسة كيلو برتقان أبو صرة حادق بس مرتب بعشر شواكل ورطل الرطب بخمسة

■أبصر مين سرق 8 روس غنم وخرفان من منطقة الصيامات لراجل غلبان برفح

-بدنا يا جماعة الخير تدعموا حسابي عالانستا الأساسي طار بدون سبب
هيو @saidaltaweel3
وموجود بالتعليق الأول ..

#صباح_الخير جدا وكان الله بعونكم ..
السبت 22-10-2022 🌹