أخبار_عالريق 813 يوم ✅يكتبها / #سعيد_الطويل

#أخبار_عالريق 813 يوم
✅يكتبها / #سعيد_الطويل

■سَبْعُ السَّبَع محمد أبو القيــ ـعان بدوي مأصّل جدع وابن ناس ، فلسطيني حر وصاحب نخوة ، دهس و طعــ ـن أربعة
يــ ـهود دفاع عن أرضه وعرضه في #بئر_السبع

■الخبر طلع هناك في السبع ، وصدور الحلويات كانت بتتوزع عنا هان بغزة .

■توفت معتمرة ثانية وهي بالحجاز من سكان خانيونس اسمها صبحية مصطفى السقا .

■ما في أجمل من خاتمة الدكتورة خلود المشهراوي من غزة ،الدكتورة الحافظة للقرآن ،إللي توفت وهي ساجدة بصلاة الفجر

■للأسف ، بكل الوجع توفى الشب الجدع خالد جهاد وادي ،متأثر باصابته ولحق بأخوه المغدور محمد إللي انقتل الأسبوع إللي فات بطوشة الشجاعية.

■العمادي وصل بعد نص الليل ع غزة

■المكافحة مسكت مبارح فوق ال100 فرش حشيش برفح

■بنك فلسطين أجّل سداد القروض لمدة 3 أشهر ،أي حد يروح وياخذ معه صورة هويته وبيخلص الموضوع.

■يوم السبت الجاي 26-3 حتتغير الساعة عالتوقيت الصيفي

■عموما تغيرت الساعة ولا ما تغيرت ،لسة الشتا وريحته وسقعته ومنخفصاته ضايلة زي مهيا.

■الشؤون الاجتماعية بتقلك لو قدرنا نوفر شيكات الشؤون الفترة الجاية ،مش حندفع إللي راح عليهم

■حتى عروض ال7 علب فول إللي الناس تندمت انها سابت غزة عشانها ،فش منها السنة .

#صباح_الخير لضحايا المنبهات والساعات المزعجة ،للناس المكافحة إللي بتتخلى عن مخداتهم عشان تصحى تلحق تصلي وتلبس وتروح شغلها وهي نفسها بكم دقيقة زيادة عشان تشبع فيها نووم

#صباح_الخير لكل ست بتصحى قبل جوزها بتكون مطلعة الأولاد عالمدرسة ومرتبة دارها ومجهزة الفطور ، وغاسلة الوجبة الأولى من الأواعي وناشرة وبادية تفكر شو بدها تطبخ اليوم ،وبعد هيك بتصحي جوزها عشان يفطر وياريت عاجبه 😊،هذا إللي بيتلكك يختي بيكون شايفله شوفة ..ديري بالك وبس ..

#يسعد_صباحكم

ربنا يصلح الحال ويهدي البال
يسلمو أمير على المتابعة
يسعد صباحك

الله يكون في العون
يسلموو ع المتابعة
يعطيك العافيه أخي
ربي يسعدك

مشكور للمتابعة
كل الشكر لك

عوافي @الامير

كل الشكر و التقدير

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

يسسلموو للمتابعةة الححلوهةة
+ وردهةة