أخبار_عالريق

#أخبار_عالريق 676 يوم
✅يكتبها/ #سعيد_الطويل

■صباح حزين موجع ،وكله قهرة على طفل حرّك مشاعرنا ووحدنا وجمّعنا ولمنا حوالين بعض ،واحنا بنتابع قضيته ..وصّل إلنا رسالته ومات ..الله يرحمك يا #ريان .

■العالم كله فرح وزعل بدقيقة وحدة بعد ماطلع من بطن الأرض ولما أعلنوا عنه بشكل رسمي انه فارق الحياة.

■المعلومات الأولية بتقول #ريان انه مات قبل 28 ساعة أقل حاجة ولما وقع انكسر عموده الفقري وصار معاه شلل كامل.

■المهم برضه الأحداث بغزة مبارح كانت صعبة وبتنكد عالواحد .

■راجل من بيت لاهيا بالأربعينات من عمره انتحر ، مبارح الصبحيات بعد ما شنق حاله ومحدش عارف السبب.

■الشرطة بتحقق بموضوع شب عمره يادوب "22 سنة " لقيوه متوفي بظروف غامضة بشارع فرعي بالقرارة بخانيونس.

■توفى راجل من دار أبو منديل بالثلاثينات من عمره ،ومرته وضعها صعب بدير البلح بعد ما انخنقوا من الغاز.

■انقتلت صبية اسمها لميس أبو اللبن بجريمة قتل جديدة باللد .

■8 إصابات وضعها متوسط بحادث سير ذاتي ع مفترق بني سهيلا بخانيونس

■تقريبا 41 حادث سير بقطاع غزة، الأسبوع إللي فات.

■وزيرة الصحة بتقول انه ممكن #نضطر نسكر كل البلد الأيام الجاية إذا ضل الوضع زي هيك والكور ونا منتشرة.

■الشرطة البحرية سمحت ثاني للصيادين يرجعوا يصيدوا بعد ما خف الموج وبلش يخلص المنخفض.

■الأيام الجاية حيرجع الجو يسكت شوية شوية ونرتاح شوية من المنخفضات القوية.

■اليوم رام الله بدها تعمل اجتماع المجلس المركزي خاوة حتى لو محدش حضره من الفصا ئل.

■رواتب غزة ورام الله اليوم حتنصرف من البنوك ،والبنوك بتسن السكا كين عشان الخصومات.

■بدينا بشهر 2 وحنخش بشهر 3 ومحدش حالل قصة الشؤون الاجتماعية للأسف.

■البضاعة مولعة نار بالضفة والخضرة عنا بالعلالي والناس مفلسة واذا قبضت يا دوب تقدر تسد ديونها..

الله يكون بعونا وبعونكم ...ويسهل أمركم ويبعد عنا وعنكم شر بني آدم

#صباح_الصبر_والرضا لأم ريان المغربية ولكل أم فقدت عزيز وغالي ع قلبها

#الله_يجبر_خواطركم 🙏
الأحد 6-2-2022

الله يكون في العون
شكراً لك

كل الشكر والتقدير

يا لطيف كله موت
يسلمو

الله يكون في العون
متابعة جيدة أخي
ربي يسعدك

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية ع المتابعة



بانتظار جديدك دائما

تسلم ايدك لنقل الاخبار