أخبار_عالريق

#أخبار_عالريق 568 يوم
✅يكتبها/سعيد الطويل
■رشرشة المطر الليلة إللي فاتت بتبشر بالخير ،صحيح ما بنحب الشتا ،لكن بنحب الخير ،وشوية هالمطر بتفتح النفس وبتحسسك بنفسية حلوة،بس ربنا يستر من السقعة والزوابع والمنخفضات إللي جاية ،بكل الأحوال عندي الصيف أحلى ..
■بالنسبة للناس إللي مطلعش إلها ال100 دولار لهلحين ،#متقلقوش حيكون إلكم كل هاليومين.
■المهم شلومو مش راضي يدخل مصاري المنحة القطرية لموظفين حـ.ـסـ ـاس بغزة بدون سبب .
■بيقولوا الزول السوداني انه مصادر مبالغ كبيرة ومسكر كبشة شركات لحـ.ـסــ اس , و حـ.ـסــاس بتقول الكلام كذب ومش صحيح.
■مبارح كان في لقاء دسم بين الهباش وأبو ردينة والشباب الطيبة مع وفد "اسرائيلي" برام الله ،أكيد حكوا فيه عن معاناتنا يا حرام.
■بالضفة خففوا شوية إجراءات بالنسبة لموضوع الكور ونا وفتحوا الصالات من أول وجديد.
■مبارح كان اطنعشر حالة وفاة وأكثر من 2000 اصابة جديدة
■بغزة محدش مدور الأمور سداح مداح ،خذ التطعيم واعمل إللي بدك إياه
■من الشهر الجاي ،إللي بدوش يعمل فحص من أساتذة الوكالة لازم يضل يجيب ورقة فحص كل 3 تيام ،وإذا صار معه كور ونا حياخذ إجازة بدون راتب.
■تقريبا صار عنا بغزة 400 ألف واحد ماخذ اللقاح.
■بس عشان يكون عندكم علم في أسير اسمه مقداد القواسمي وضعه صعب عالآخر،مش طالبين أهله غير انكم تدعوله
■حـ.ـסــ اس بتقول انها جاهزة من الصبح لصفقة تبادل ،بس المهم أسرى وفاء الاحرار يطلعوا قبل كل حاجة.
■كيلو الجاج بعشرة شيكل ونص والحركة بالسوق ميتة.

وخذلك #هالنصيحة عالسريع هيك ..
الناس يخوي مش مبسوطة ومودها مش تمام ،والله يكون بعونها عشان هيك محدش يضغط على حدا هالأيام ولا يعتب ع حدا ،وكل واحد الله يعينه ع همه وفيه إللي مكفيه ،عندك كلمة حلوة احكيلوا إياها ،وحاول ترفع معنوياته غير هيك ،ضلك ساكت أحسن ما تكسر خاطرك وتقلب عليه المواجع ..
وربنا يجملها بالستر ..

#جمعة_مباركة 🌹
اكسبوا فيها الصلاة عالنبي محمد صلى الله عليه وسلم
14-9-2021

شكرا لالك امير ع المتابعة
يسعد اوقاتك

تشكر ع المتابعه الجيدة

ربي يعطيك الصحه والعافيه

يسعدك ربي

يسسلموو للمتتابعةة أممير
وردهةة

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي