أخبار_عالريق

#أخبار_عالريق 529 يوم
✅يكتبها/سعيد الطويل
■اليوم ان شاء الله حتنصرف رواتب أسر الشهد اء والجرحى من رام الله ع مكاتب الصرافات بغزة زي كل شهر ،ورواتب حكومة غزة من البريد والبنك ،بس لسة باقي القبضات محدش جاب سيرتهم.
■قصة المنحة القطرية زي ما قلنالكم اتفقوا ع كل الامور بس شكله العمادي مشغول شوية ومجدلاني مش فاضي برضه .
■اليوم الصبح في اصابتين خفاف بانفجار عرضي نقلوهم عالمستشفى بالزوايدة بنص القطاع.
■كل واحد يفقد كرت الكهرب تبع دارهم يوم الأحد و الاثنين الجايات ،لانه حتتوقف خدمة شحن الكروت عشان في صيانة بالشركة.
■اذا سمعتوا صوت انفجارات اليوم المسا برفح بتكون صوت مخلفات من ورا اليهو د بدهم يفكفكوها.
■لبنان فيها صوار يخ طالعة وقصف نازل من اليهو د ،بس شكلهم حيدخلوا ناس وحيضبضبوا الموضوع .
■اليوم بجريمة جديدة انقتل شب من عرابة اسمه محمد سنجري ،المفروض عرسه يكون بعد كم يوم.
■ روحي فتوح الي كان رئيسنا ستين يوم قبل هيك ، بيطالب محكمة الجنايات الدولية انهم يحققوا بجرايم الاحتلا ل
■من زمان تعودنا لما نشوف الأمور بين
ايرا ن ولبنان صارت تشتد مع اليهو د معناته بيكون في هدوء جاي .
■اليوم الكافيهات والشاليهات وقعدات البحر حتكون زحمة عشان قصة التوجيهي وربنا يديم أفراحكم.
■الحمد لله النا كم يوم الأخبار يعني ماشي حالها ،يارب الأيام الجاية تحمل الخير ..

#صباح_الخير للناس اللي بتدور عالخير دوارة عشان تعمله ،وبتحمي ظهر صحابها بحضورهم وغيابهم ،للناس الصح إللي بتعمل الواجب بمكانه وبمطرحه ،وفش لا صباح ولا مسى للناس المشقلبة اللي قاعدة ع ركبة ونص بتراقب بالناس عالطالعة والنازلة ..

والمهم #هلا_بالخميس 🌹
5-8-2021

يسلمو ع متابعه الامير

اشكرك لمتابعتك الدائمه

تسلم ع الخبر وحسن المتابعه

ربي يعطيك الصحه والعافيه

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي