النواحي الإيجابية لكورونا

من النواحي الإيجابية لكورونا :

القضاء علي الدروس الخصوصية و تخفيف العبئ المادي عن كاهل الأسرة المصرية

اعتماد الستات علي نفسهم في تنضيف البيوت بدون مساعدات

والستات رجعت تانى للمطبخ والطبيخ وتوقفت مؤقتا عن الدليڤرى والفاست فوود والتونة

عودة لمة العيلة من جديد ..صحيح كل واحد قاعد علي موبايله بس رجعوا يتغدوا مع بعض ويعرفوا اخبار بعض المنقطعة من زمان

كشف كل القوى العالمية الوهمية علي حقيقتها

عودة الرجل للبيت واندهاش الأبناء ان الأب لسة ساكن معاهم في البيت فى مفاجأة غير متوقعة
توفير البنزين لان الكل قاعد في بيته ومفيش صياعة ولا صرمحة

تحول التعليم الورقي لالاكترونى غصب عن عين أى حد وعن الماميز وسناتر الدروس الخصوصية ومافيا الكتب الخارجية

طلبة الثانوية العامة اخيييييرا زعق لهم نبي وهيمتحنوا تيرم ونص بس وأهو كله توفير ، وطلبة إعدادية نجحوا ببحث وطلبة ابتدائى هيوصلوا جامعة في غمضة عين 🙂

وتحول الخدمات الحكومية للخدمات الرقمية بدون فتح درج ورشوة وفين الشاى بتاعي يا ست هانم

عودة الشعب المصري لأصله اللي نسيه وللشبراويشي وكولونيا ٥٥٥ اللي كلنا اتعالينا عليها وهربنا لشانيل وديور

الناس رجعت تغسل ايديها بالمياه والصابون تانى وتستحمى بعد انقطاع دام سنين طويلة واستبدال الصابون بالهاند جيل اللي قدام اول ڤايروس ظهرت قيمته الحقيقية

الطبيعة رجعت تلتقط انفاسها من كل الدمار اللي سببناه ليها وترتاح مننا بعد ما أنهكناها وهدينا حيلها واستغليناها أسوأ استغلال وهى صابرة علينا إلي أن اضطرت لإعلان غضبها ورغبتها في استراحة محارب

كل شخص عرف قيمته الحقيقية وأنه لا فلوس الدنيا ولا فيلا الساحل ولا شاليه الجونة ولا اللامبورجيني ممكن يبقي هو سر سعادته الوحيدة في ظرف خللي كوووووول العااااااااالم سواسية
ولا فرق لعربي علي اعجمي الا بالتقوى


الأطباء أخيييييرا هيزيد ليهم بدل العدوى وترجع فى الصدارة من تانى بعد ان تغلب عليهم مطربو المهرجانات في الثراء والشهرة والأهمية

اكتشفنا مؤخرًا ومتأخرًا أنه لا قيمة للإنسان بدون علم وإيمان وأنهما في كفة واحدة ضد أى تعدي عليه

رب ضارة نافعة
خلاصة الحكى
عوافى الامير

يعطيك العافيه على جمالية الطرح

شكراً لطرحك
سلمت

مصائب قوم عند قوم فوائد
وكل مصيبة نحسبها شر في باطنها خير ورحمة لوكنا مبصرون


شكرا لادراجك
وردي

يعطيك العافيه

رغم كل هاد الشيء الا ان المضار اكبر و اعمق
تقديري

	السلام عليكم ورحمة الله وبركاته يسلموووا ع الطرح القيم والجميل يعطيك الف عافية بانتظار جديدك دائما تحيتي