انعزمت أختي على عرس

انعزمت أختي على عرس
وقالت بروح وبتسلى وياريت ماراحت
كانت مندمجه بغنية
فجأة بتخلص الغنية وبتطلع بعدا غنية شعراتا_ولووووو
حسب كلامها أقسمت بالله مالقيت غير شي هجوم وتخبيط ، والكرسي يلي كنت قاعده عليها صار تنسحب يمين شمال
اصلا هي ما كانت بعرف شو في ؟!
فكرت الصالة مفخخة لك باللاشعور حطت ايدها عطاولة وصارت تلملم غراضها من الطاولة
صارت تصرخ وتقول شو في ، لك شوفي ؟ ؟ ؟ ؟
لحتى فهمت من يلي جنبها انو رايحين يرقصو على غنية شعراتا_ولووووو
وعينكم تشوف هالشوفة ، شي خمسمية صبية صاروا يرقصو عليها ؟!
وقت قال ..شعراتا ولوووو مافي بنت إلا ما تغنجت وصارت تلحمس بشعراتا
انو ولووووووو
هي يلي شعراتا ملزقين تلزيق بجبهتا من الصالة والشوب
التانية كل يلي براسا 4 شعرات 2 مسشورين و 2 هروا بموسم المكدوس
وقت قال عيونا ولووووكلو صار يأشر ع عيونه هي يلي عيونا متل الفاره
والتانية يلي عليها جوز عيون بتهبل هبل ، زاد عندا هرمون شوفة الحال وماعاد تتهدا
وقت قال قلبا ولوووو وعقلاتا ولوووو
كلو قلب ملاك وبراءه ويالطيف وصار يأشروا على قلبهن بكل لطافة وحركات يابو الملاك البريء أبو قلب طيب قوي
وهي قلبا مخزون احتياطي للعقارب والحيايا والسحالي والحربايات
بس_عينكم_تشوف_وقت_قال
ولو لو ولوووو لو لو لو لو لولو لوووووووو ،
هووون الكارثه والرعبه
،حست صار زلزال
صعود جلوس تشوبر وجنون الله وكيلكن
منظرهن بمووووووت ضحك تقول محطوطين بخلاط و ومكبوس عليهن
اي بس هيك ولووو
عاهاتك ياوطن
الله لا يدوقها لحدا